ព័ត៌មានអន្ដរជាតិ
ពូទីន អួតថា សព្វាវុធចុងក្រោយរបស់រុស្ស៊ី អស្ចារ្យជាងគូប្រជែងឆ្ងាយណាស់ ហើយត្រៀមផ្តល់អាវុធទំនើបបំផុតជូនសម្ព័ន្ធមិត្ត (មានវីដេអូ)
ប្រធានាធិបតីរុស្ស៊ី លោក វ្ល៉ាឌីមៀរ ពូទីន កាលពីថ្ងៃចន្ទទី១៥ខែសីហា បានប្តេជ្ញាពង្រីកកិច្ចសហប្រតិបត្តិការយោធាជាមួយបណ្តាប្រទេសជាសម្ព័ន្ធមិត្ត ដោយអះអាងថា ទីក្រុងមូស្គូបានត្រៀមខ្លួនរួចជាស្រេច ក្នុងការផ្តល់ជូននូវសព្វាវុធទំនើបបំផុតរបស់ខ្លួន ទៅឲ្យពួកគេ ខណៈអាវុធចុងក្រោយបំផុតរបស់ខ្លួន គឺអស្ចារ្យជាងប្រទេសជាគូប្រជែង ឆ្ងាយណាស់។
ថ្លែងក្នុងពិធីបើកពិព័រណ៍អាវុធប្រចាំឆ្នាំនៅខាងក្រៅទីក្រុងមូស្គូ លោកពូទីន បាននិយាយថា ការនាំចេញអាវុធរបស់រុស្ស៊ី បានដើរតួនាទីយ៉ាងសំខាន់ក្នុងកិច្ចខិតខំប្រឹងប្រែងរបស់វិមានក្រឹមឡាំង ដើម្បីទប់ទល់នឹងសហរដ្ឋអាមេរិក មិនឲ្យត្រួតត្រាពិភពលោក។
ស្របពេលជាមួយគ្នានោះដែរ លោក ពូទីន បានសាទរចំពោះសកម្មភាពរបស់យោធារុស្ស៊ី នៅអ៊ុយក្រែន ហើយបានថ្លែងអំណរគុណចំពោះសម្ព័ន្ធមិត្តរបស់ទីក្រុងមូស្គូ សម្រាប់ការគាំទ្រ។
លោក ពូទីន បន្តថា មេដឹកនាំនៃសម្ព័ន្ធមិត្តរបស់ទីក្រុងមូស្គូ បានជ្រើសរើសផ្លូវអភិវឌ្ឍន៍ឯករាជ្យ អធិបតេយ្យភាព និងចង់រួមគ្នាដោះស្រាយបញ្ហាសន្តិសុខពិភពលោក និងតំបន់ដោយផ្អែកលើច្បាប់អន្តរជាតិ ទំនួលខុសត្រូវរួម និងផលប្រយោជន៍ទៅវិញទៅមក។
ទោះបីជាយ៉ាងណាក៏ដោយ លោក ពូទីន មិនបានបញ្ចេញឈ្មោះប្រទេសណាមួយជាពិសេសនោះទេ ប៉ុន្តែបានកត់សម្គាល់ថា រុស្ស៊ីផ្តល់តម្លៃយ៉ាងស្មោះស្ម័គ្រចំពោះទំនាក់ទំនងដ៏រឹងមាំ ជាប្រវត្តិសាស្ត្រ មិត្តភាព និងទំនុកចិត្តជាមួយបណ្តាប្រទេសនៅអាមេរិកឡាទីន អាស៊ី និងអាហ្រ្វិក។
មេដឹកនាំរុស្ស៊ីរូបនេះ បញ្ជាក់ថា “យើងបានត្រៀមខ្លួនរួចជាស្រេចក្នុងការផ្តល់ជូនសម្ព័ន្ធមិត្ត និងដៃគូរបស់យើងនូវប្រភេទសព្វាវុធទំនើបបំផុត ចាប់ពីអាវុធ រថពាសដែក និងកាំភ្លើងធំ រហូតដល់យន្តហោះចម្បាំង និងយន្តហោះគ្មានមនុស្សបើក”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Al Jazeera, Hindustan Times
ចុចអាន៖ ចុងឆ្នាំនេះ កងទ័ព រុស្ស៊ី ទទួល បាន អាវុធ ទំនើប បន្ថែមទៀតហើយ!
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង