ព័ត៌មានអន្ដរជាតិ
រុស្ស៊ី ព្រមានក្តែងៗថា ខ្លួនមានអាវុធទំនើបដ៏ពិសេស ដែលអាចកម្ទេច អាមេរិក បាន (មានវីដេអូ)
សម្ព័ន្ធមិត្តរបស់លោកប្រធានាធិបតី វ្ល៉ាឌីមៀរ ពូទីន បានព្រមានថា ប្រទេសរុស្ស៊ី មានសព្វាវុធដែលអាចកម្ទេចគ្រប់សត្រូវ រួមទាំងសហរដ្ឋអាមេរិកផងដែរ ប្រសិនបើអត្ថិភាពរបស់ខ្លួន រងការគំរាមកំហែង។ ទន្ទឹមនោះ លោកអះអាងថា ទីក្រុងវ៉ាស៊ីនតោន ដូចជាមើលស្រាលកម្លាំងនុយក្លេអ៊ែររបស់ទីក្រុងមូស្គូពេកហើយ។
ការអត្ថាធិប្បាយរបស់លោក Nikolai Patrushev ដែលជាលេខាធិការដ៏មានឥទ្ធិពល នៃក្រុមប្រឹក្សាសន្តិសុខរុស្ស៊ី គឺជាការព្រមានថ្មីបំផុតពីសំណាក់មន្ត្រីជាន់ខ្ពស់រុស្ស៊ីមួយរូប ហើយនេះត្រូវបានគេយល់ឃើញថា ជាពាក្យសម្តីផ្លែផ្កា ខណៈភាពតានតឹងកើនឡើងកាន់តែខ្លាំង រវាងប្រទេសមហាអំណាចនុយក្លេអ៊ែរទាំង២។
លោក Patrushev បានប្រាប់កាសែតរដ្ឋ Rossiiskaya Gazeta កាលពីថ្ងៃចន្ទទី២៧ខែមីនាថា “អ្នកនយោបាយអាមេរិកដែលជាប់ផុងក្នុងការឃោសនាខ្លួនឯង នៅតែមានទំនុកចិត្តថា ក្នុងករណីមានជម្លោះដោយផ្ទាល់ជាមួយរុស្ស៊ី សហរដ្ឋអាមេរិកមានសមត្ថភាពបាញ់មីស៊ីលការពារ បន្ទាប់ពីនោះ រុស្ស៊ីនឹងមិនអាចឆ្លើយតបបានទៀតទេ”។
យ៉ាងណាមិញ លោកបញ្ជាក់ថា “រុស្ស៊ីអត់ធ្មត់ខ្លាំងណាស់ និងមិនបំភិតបំភ័យនរណាម្នាក់ដើម្បីផលប្រយោជន៍ខាងយោធាឡើយ ប៉ុន្តែរុស្ស៊ីមានអាវុធទំនើបៗដ៏ពិសេស ដែលអាចបំផ្លាញសត្រូវទាំងអស់ រួមទាំងសហរដ្ឋអាមេរិកផងដែរ ក្នុងករណីមានការគំរាមកំហែងដល់អត្ថិភាពរបស់ខ្លួន”។
ម្តងហើយម្តងទៀត រុស្ស៊ីបាននិយាយថា ហេតុផលមួយក្នុងចំណោមហេតុផលដែលខ្លួន បញ្ជូនទាហានរាប់ម៉ឺននាក់ចូលទៅក្នុងប្រទេសអ៊ុយក្រែនកាលពីខែកុម្ភៈឆ្នាំមុន គឺដើម្បីប្រឆាំងនឹងការគំរាមកំហែងសន្តិសុខ ដែលកើតចេញពីការទាក់ទងគ្នារបស់ទីក្រុងកៀវ ជាមួយសម្ព័ន្ធភាពអង្គការណាតូដែលដឹកនាំដោយសហរដ្ឋអាមេរិក។
ចាប់តាំងពីពេលនោះមក ទីក្រុងមូស្គូ បានចោទប្រកាន់លោកខាងលិចជាសាធារណៈ អំពីការគំរាមកំហែងនុយក្លេអ៊ែរប្រឆាំងនឹងខ្លួន ហើយនិយាយអំពីការត្រៀមលក្ខណៈរបស់ខ្លួនក្នុងការប្រើប្រាស់អាវុធនុយក្លេអ៊ែរក្នុងកាលៈទេសៈធ្ងន់ធ្ងរ។
មកដល់ថ្ងៃសៅរ៍ទី២៥ខែមីនា លោកប្រធានាធិបតី វ្ល៉ាឌីមៀរ ពូទីន បានប្រកាសថា រុស្ស៊ីនឹងដាក់ពង្រាយអាវុធនុយក្លេអ៊ែរយុទ្ធសាស្ត្រ នៅក្នុងប្រទេសជាសម្ព័ន្ធមិត្តជិតស្និទ្ធរបស់ខ្លួន គឺបេឡារុស ដែលមានព្រំប្រទល់ជាប់ទាំងអ៊ុយក្រែន និងរុស្ស៊ី ដើម្បីព្រមានដល់អង្គការណាតូ ជុំវិញការគាំទ្រយោធារបស់ខ្លួនចំពោះទីក្រុងកៀវ និងបង្កើនការប្រឈមមុខដាក់គ្នាជាមួយលោកខាងលិច៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Economic Times
ចុចអាន៖ អាមេរិក មិនមើល ឃើញសញ្ញា ថា រុស្ស៊ី មាន ចេតនា ប្រើអាវុធប្រល័យលោក នៅ អ៊ុយក្រែន ទេ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ