ព័ត៌មានអន្ដរជាតិ
រុស្ស៊ី ពង្រាយយន្តហោះចម្បាំងបំពាក់មីស៊ីលល្បឿនលឿនជាងសំឡេងទៅតំបន់ Kaliningrad
ក្រសួងការពារជាតិរុស្ស៊ីបានដាក់ពង្រាយយន្តហោះចម្បាំងបំពាក់ដោយកាំជ្រួចមីស៊ីលល្បឿនលឿនជាងសំឡេងមានសមត្ថភាពនុយក្លេអ៊ែរនៅសមុទ្របាល់ទិកនៃតំបន់ Kaliningrad របស់ប្រទេស ។
ក្រសួងបាននិយាយកាលពីថ្ងៃព្រហស្បតិ៍ថា យន្តហោះ MiG-31 ចំនួន ៣ គ្រឿងបំពាក់ដោយកាំជ្រួចមីស៊ីល Kinzhal បានចុះចតនៅឯមូលដ្ឋានមួយកន្លែងក្នុងតំបន់ Kaliningrad ជាតំបន់មានព្រំប្រទល់ជាប់ប្រទេសសមាជិកអង្គការណាតូចំនួន ២ ដូចជា លីទុយអានីនៅភាគខាងជើង និងប៉ូឡូញនៅភាគខាងត្បូង ។
ក្រសួងបាននិយាយថា យន្តហោះ MiG-31 នឹងបំពេញកាតព្វកិច្ចគ្រប់ពេលវេលាដែលជាផ្នែកមួយនៃការទប់ស្កាត់ជាយុទ្ធសាស្ត្រ ដោយសារតែកាំជ្រួចមីស៊ីល Kinzhal អាចហោះហើរក្នុងរយៈចម្ងាយ ២,០០០ គីឡូម៉ែត្រ និងមានល្បឿនលឿនជាងសំឡេង ១០ ដង ។
ទន្ទឹមនោះ មេបញ្ជាការកងទ័ពអាកាសរុស្ស៊ីបាននិយាយនៅថ្ងៃទី ១២ ខែសីហាថា យន្តហោះចម្បាំង MiG-31 បំពាក់ដោយកាំជ្រួចមីស៊ីលល្បឿនលឿនជាងសំឡេង Kinzhals ពិតជាមានសមត្ថភាពខ្លាំងក្លា ជាពិសេសធ្លាប់បានបាញ់កម្ទេចឃ្លាំងរំសេវយោធាមួយកន្លែងនៅភាគខាងលិចអ៊ុយក្រែនក្នុងខែមីនា ។
ស្របពេលជាមួយគ្នានេះ ការដាក់ពង្រាយនេះក៏កើតឡើង បន្ទាប់ពីប្រទេស Nordic ទាំងពីរដែលមានទីតាំងនៅជិតតំបន់ Kaliningrad មានបំណងចង់ចូលជាសមាជិកអង្គការណាតូ ដោយសារតែការភ័យខ្លាចពាក់ព័ន្ធនឹងសង្គ្រាមលុកលុយរបស់រុស្ស៊ីលើអ៊ុយក្រែនដែលរហូតមកដល់ពេលនេះបានអូសបន្លាយពេលជិត ៦ ខែមកហើយ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អ៊ុយក្រែន កំពុងបង្កហេតុនៅរោងចក្រនុយក្លេអ៊ែរ ហើយទម្លាក់កំហុសឲ្យ រុស្ស៊ី ពេលមេ UN ទៅដល់
-
ព័ត៌មានអន្ដរជាតិ៣ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
KPT+២ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៥ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ២២ ម៉ោង ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ៧ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ព័ត៌មានជាតិ១ សប្តាហ៍ ago
ផ្លូវប្របមាត់ព្រែកពីគល់ស្ពានថ្មីដល់ស្ពានចាស់ រួមជាមួយសួនកម្សាន្ត និងលេចរូបរាងឆាប់ៗក្នុងខេត្តកំពត