អ៊ីរ៉ង់ព្រមានអាមេរិក បើហ៊ានវាយប្រហារ ជម្លោះនឹងខ្លាំងជាងសង្គ្រាមអ៊ីរ៉ាក់ទៀត
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អ៊ីរ៉ង់ព្រមានអាមេរិក បើហ៊ានវាយប្រហារ ជម្លោះនឹងខ្លាំងជាងសង្គ្រាមអ៊ីរ៉ាក់ទៀត

Published

on

ប្រទេសអ៊ីរ៉ង់កំពុងបង្កើនការការពារដែនអាកាសរបស់ខ្លួននៅជុំវិញទីតាំងនុយក្លេអ៊ែរដោយខ្លាចការវាយប្រហារណាមួយដែលបញ្ជាដោយប្រធានាធិបតីអាមេរិកលោក Donald Trump។

ទីតាំងនុយក្លេអ៊ែររបស់អ៊ីរ៉ង់

រឿងនេះបានកើតឡើងចំពេលរដ្ឋមន្ត្រីក្រសួងការបរទេសអ៊ីរ៉ង់លោក Mohammad Javad Zarif បានព្រមានកាលពីថ្ងៃព្រហស្បតិ៍ថា ការវាយប្រហារមួយអាចបង្កឲ្យមានជម្លោះនៅក្នុងតំបន់អាក្រក់ជាងសង្គ្រាមអ៊ីរ៉ាក់ទៅទៀត។

កាសែតគុយវ៉ែត Al-Qabas បានរាយការណ៍ថា ប្រទេសអ៊ីរ៉ង់កំពុងដំឡើងប្រព័ន្ធការពាររបស់ខ្លួននៅជុំវិញទីតាំងចម្រាញ់សារធាតុអ៊ុយរ៉ានីញ៉ូមក្នុងតំបន់ Fordo និង Natanz ដែលត្រូវបានគេចាត់ទុកថាជាទីតាំងនុយក្លេអ៊ែរសំខាន់ទាំងពីររបស់ប្រទេសនេះ។

រដ្ឋមន្ត្រីក្រសួងការបរទេសអ៊ីរ៉ង់លោក Mohammad Javad Zarif

ប្រភពបានប្រាប់កាសែត Al-Qabas ថា ឆ្មាំបដិវត្តអ៊ីរ៉ង់បានដាក់ពង្រាយប្រព័ន្ធការពារមីស៊ីល Power 737 ក៏ដូចជាកាំជ្រួចការពារដែនអាកាស SAM របស់រុស្ស៊ីនៅក្បែរតំបន់ទាំងពីរផងដែរ។

ភាពតានតឹងរវាងអាមេរិកនិងអ៊ីរ៉ង់បានកើតឡើងខ្លាំងក្នុងរយៈពេលប៉ុន្មានសប្តាហ៍ចុងក្រោយនៃតំណែងជាប្រធានាធិបតីរបស់លោក Trump ចំពេលមានការភ័យខ្លាចថា សកម្មភាពពុះកញ្ជ្រោលមួយទៀតអាចធ្វើឲ្យលោក Joe Biden ឈឺក្បាលក្នុងគោលនយោបាយមជ្ឈិមបូព៌ា។

ប្រធានាធិបតីសហរដ្ឋអាមេរិកលោក Donald Trump

នៅក្នុងសារ Twitter ព្រឹកនេះ រដ្ឋមន្ត្រីការបរទេសអ៊ីរ៉ង់លោក Mohammad Javad Zarif បាននិយាយថា “លោក Trump នឹងទទួលខុសត្រូវទាំងស្រុងចំពោះការផ្សងព្រេងណាមួយនៅតាមផ្លូវរបស់គាត់”។ លោកបន្ថែមថា “កាលពីពេលមុន សហរដ្ឋអាមេរិកបានបំផ្លាញតំបន់របស់យើងដោយសារការប្រឌិតរឿងអាវុធប្រល័យលោក ដោយខ្ជះខ្ជាយទឹកប្រាក់អស់ចំនួន៧ទ្រីលានដុល្លារនិងបណ្តាលឲ្យជនជាតិអាមេរិកស្លាប់ចំនួន៥៨,៩៧៦នាក់”។

ការបង្ហោះ Twitter របស់រដ្ឋមន្ត្រីការបរទេសអ៊ីរ៉ង់បានកើតឡើងបន្ទាប់ពីលោកប្រធានាធិបតី Trump គំរាមអ៊ីរ៉ង់ក្រោយមានការវាយប្រហារដោយគ្រាប់រ៉ុកកែតទៅលើស្ថានទូតអាមេរិកនៅទីក្រុងបាកដាដកាលពីដើមសប្តាហ៍នេះ៕

ប្រែសម្រួលដោយ៖ Vann Vann

ប្រភព៖ The Sun

ចុចអាន៖ ប្រព័ន្ធការពារដែនអាកាសអ៊ីរ៉ង់រង់ចាំស្វាគមន៍ B-52 របស់អាមេរិក

ចុចអាន៖ អ៊ីរ៉ង់ ចាប់ខ្លួនមនុស្សមួយចំនួនពាក់ព័ន្ធការធ្វើឃាតអ្នកវិទ្យាសាស្ត្រនុយក្លេអ៊ែរ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ12 mins ago

ថ្ងៃនេះ​រក​ឃើញ​អ្នក​ពាក់ព័ន្ធ​៤០០នាក់ ជាមួយ​ជនជាតិចិន​ដែល​ឆ្លង​កូ​វីដ​១៩​នៅ​ខេត្តកោះកុង​

ព័ត៌មានជាតិ47 mins ago

ពលរដ្ឋ​ផ្អើល​នាំគ្នា​ទៅ​មើល​បាតុភូត​ចម្លែក​ទឹកធ្លាក់​ពីលើ​មែកឈើ​មិន​ឈប់​នៅ​វត្ត​ត្បូង​

ព័ត៌មានជាតិ58 mins ago

លោក ហ៊ុន ម៉ា​ណែ​ត ចុះ​ត្រួត​ពិនិត្យ​សកម្មភាព​ហ្វឹកហ្វឺន​កង​កម្លាំង​ត្រៀម​ចូលរួម​ទប់ស្កាត់​ការរីក​រាលដាល​នៃ​ជំងឺ​កូ​វីដ​-១៩

ព័ត៌មានជាតិ2 hours ago

មកលេង​ផ្ទះ​២​ថ្ងៃ​នៅ​តាកែវ ត្រឡប់​ទៅ​កំពង់សោម​វិញ ធ្វើតេស្ត​ឃើញ​វិជ្ជមាន​កូ​វីដ​-១៩

ព័ត៌មានជាតិ2 hours ago

អ្នកជំនាញ​អះអាង​ថា តម្លៃ​ដំឡូង​មី​នៅ​ឆ្នាំនេះ​ខ្ពស់​ជាង​ឆ្នាំមុន

Sokha Hotels

ព័ត៌មានពេញនិយម

Helistar Cambodia - Helicopter Charter Services