រុស្ស៊ី កំណត់បានជនសង្ស័យម្នាក់ទៀត ជាប់ពាក់ព័ន្ធក្នុងករណីធ្វើឃាត Dugina (មានវីដេអូ) 

យោងតាមសេវាសន្តិសុខសហព័ន្ធរុស្ស៊ី (FSB) បានឲ្យដឹងថា លោក Bogdan Tsyganenko ជាពលរដ្ឋនៃប្រទេសអ៊ុយក្រែន ក៏ជាប់ពាក់ព័ន្ធនឹងការសម្លាប់នាង Darya Dugina ដែលជាកូនស្រីរបស់អ្នកវិទ្យាសាស្ត្រនយោបាយ Alexander Dugin ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំណាងនៃនាយកដ្ឋាននេះជឿថា លោក Tsyganenko បានធ្វើសកម្មភាពរួមគ្នាជាមួយ នាង Natalya Vovk ដែលសេវាកម្មពិសេសរបស់រុស្ស៊ីហៅថា ជាជនល្មើសនៃករណីឃាតកម្មនេះ។

លោក Bogdan Tsyganenko បានមកដល់ប្រទេសរុស្ស៊ី ក្នុងដំណើរឆ្លងកាត់ប្រទេសអេស្តូនីកាលពីថ្ងៃទី៣០ខែកក្កដា ហើយបានចាកចេញពីប្រទេស មួយថ្ងៃមុនការធ្វើឃាត។

FSB រាយការណ៍ថា “រួមជាមួយ Natalya Vovk, ករណីឃាតកម្មលើ Dugina ត្រូវបានរៀបចំនៅទីក្រុងមូស្គូ ដោយសមាជិកម្នាក់ទៀតនៃក្រុមបំផ្លិចបំផ្លាញនិងភេរវករអ៊ុយក្រែន ឈ្មោះ Bogdan Petrovich Tsyganenko កើតនៅឆ្នាំ ១៩៧៨ ដែលបានមកដល់ប្រទេសរុស្ស៊ី ដោយឆ្លងកាត់អេស្តូនីនៅថ្ងៃទី ៣០ ខែកក្កដាឆ្នាំ ២០២២ ហើយបានចាកចេញពីទឹកដីនៃប្រទេសរុស្ស៊ី មួយថ្ងៃមុនពេលនៃការបំផ្ទុះ Dugina”។

ទោះបីជាយ៉ាងណាក៏ដោយ បច្ចុប្បន្ន FSB មិនទាន់បញ្ចេញព័ត៌មានបន្ថែម លើសពីនេះទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Oop Stop

ចុចអាន៖ សាវតាររបស់ជនសង្ស័យជាឃាតក និងដំណើររឿង ជុំវិញការសម្លាប់ Dugina