ព័ត៌មានអន្ដរជាតិ

ថ្ងៃនេះ ថៃរកឃើញករណីឆ្លងកូវីដចំនួន ១២១ ករណីបន្ថែមទៀត

បានផុស

៤ years មុន

នៅ

ថ្ងៃអាទិត្យ ២៧ ធ្នូ ២០២០

ដោយ

នៅថ្ងៃអាទិត្យនេះរដ្ឋាភិបាលថៃបានរាយការណ៍ពីករណីឆ្លងថ្មីនៃជំងឺកូវីដ ១៩ ចំនួន ១២១ ករណីក្នុងនោះ ៩៤ ករណីជាការឆ្លងក្នុងស្រុក និង ១៨ ករណីទៀតក្នុងចំណោមពលករចំណាកស្រុក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ ១៩ បាននិយាយថា ក្រៅពីការឆ្លងក្នុងស្រុក និងពលករចំណាកស្រុក ក្នុងនោះ ៨ ករណីទៀតគឺស្ថិតក្នុងចំណោមអ្នកធ្វើចត្តាឡីស័កជាជនជាតិថៃ ស៊ុយអែត រុស្ស៊ី ក្រូអាត និងយេម៉ែនដែលមកដល់ប្រទេសរុស្ស៊ី អាល្លឺម៉ង់ ស៊ុយអែត ហុងគ្រី អារ៉ាប់រួម និងអេហ្ស៊ីប ខណៈករណីថ្មីមួយទៀតគឺអ្នកបើកបរជនជាតិមីយ៉ាន់ម៉ា ហើយត្រូវបានបញ្ជូនទៅស្រុកកំណើតវិញផងដែរ ។

ក្នុងចំណោមករណីថ្មីទាំងនេះគឺផ្ទុះខ្លាំងនៅខេត្តសាមុតសាខុន ហើយក្នុងនោះ ១៦ ករណីនៅទីក្រុងបាងកក, ១១ ករណីនៅខេត្ត Nakhon Pathom, ៨ ករណីនៅខេត្ត Rayong, ៥ ករណីនៅខេត្ត Phetchaburi, ៣ ករណីនៅខេត្ត Ratchaburi, ២ ករណីនៅខេត្ត Krabi និង ២ ករណីទៀតនៅខេត្ត Nonthaburi ខណៈខេត្ត Nakhon Sawan ខេត្ត Narathiwat ខេត្ត Pathum Thani ខេត្ត Samut Prakan ខេត្ត Khon Kaen ខេត្ត Saraburi និងខេត្ត Surin មានមួយករណីក្នុងមួយខេត្តៗ ។

ទន្ទឹមនោះករណីឆ្លងជំងឺកូវីដ ១៩ នៅប្រទេសថៃក៏កំពុងរីករាលដាលដល់ខេត្តចំនួន ៣៨ ហើយ ខណៈការផ្ទុះខ្លាំងនៃករណីឆ្លងថ្មីទាក់ទងនឹងផ្សារបោះដុំបង្គា ខេត្ត សាមុតសាខន ប៉ុន្តែចំនួនករណីឆ្លងថ្មីក្នុងចំណោមពលករចំណាកស្រុកកំពុងថយចុះ ។

ស្របពេលជាមួយគ្នានេះលោក Visanuyothin បានមានប្រសាសន៍ថា “វិធីក្នុងការទប់ទល់នឹងជំងឺនេះគឺអាស្រ័យលើកិច្ចសហប្រតិបត្តិការពីប្រជាជនថៃ និងជនចំណាកស្រុកទាំងអស់នៅក្នុងប្រទេស ។

គួរបញ្ជាក់ថា គិតត្រឹមពេលនេះប្រទេសថៃមានករណីឆ្លងជំងឺកូវីដ ១៩ ចំនួន ៦,១៤១ ករណី និងមានអ្នកស្លាប់ចំនួន ៦០ នាក់ ៕