Connect with us

ព័ត៌មានអន្ដរជាតិ

រដ្ឋបាល់ទិក បើកការិយាល័យពាណិជ្ជកម្មនៅ តៃវ៉ាន់ កំពុងដុតកំហឹងបន្ថែម​ដល់ ចិន

បានផុស

នៅ

បើយោងតាមការចុះផ្សាយរបស់ប្រព័ន្ធផ្សព្វផ្សាយបានឲ្យដឹងថា ប្រទេសលីទុយអានីបានបើកការិយាល័យពាណិជ្ជកម្មនៅតៃវ៉ាន់ក្នុងសប្តាហ៍នេះ បន្ទាប់ពីគណៈប្រតិភូពាណិជ្ជកម្មមកពីរដ្ឋបាល់ទិកមួយនេះបានចុះចតនៅលើកោះដែលគ្រប់គ្រងដោយខ្លួនឯងកាលពីចុងសប្តាហ៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន South China Morning Post បានរាយការណ៍កាលពីថ្ងៃអាទិត្យថា មន្ត្រីបានចូលរួមក្នុងការបើកការិយាល័យពាណិជ្ជកម្មលីទុយអានីដែលបានសន្យាជាយូរមកហើយនៅកោះតៃវ៉ាន់កាលពីថ្ងៃចន្ទ ដែលកាន់តែដុតកំហឹងបន្ថែមទៀតដល់ទីក្រុងប៉េកាំង ។

ទន្ទឹមនោះវាកើតឡើង បន្ទាប់ពីប្រទេសលីទុយអានីបានអនុញ្ញាតឲ្យរដ្ឋបាលរបស់តៃវ៉ាន់បង្កើត “ការិយាល័យតំណាង” នៅទីក្រុង Vilnius កាលពីខែវិច្ឆិកាឆ្នាំមុន ដោយប្រឆាំងនឹងការជំទាស់របស់ទីក្រុងប៉េកាំង ។

ស្របពេលជាមួយគ្នានេះ រដ្ឋាភិបាល​ចិន​យល់​ឃើញស្ថានភាពនេះ​ថាជាការ​ផ្លាស់​ប្តូរបញ្ហា​ក្នុង​ទំនាក់​ទំនង​របស់​តៃប៉ិ​ទៅ​នឹង​បរទេស​ ហើយចាត់ទុកថា​ជា​ការ​រំលោភ​លើ​អធិបតេយ្យភាព​របស់​ចិន ។

បន្ថែមពីទីក្រុងប៉េកាំងបានសងសឹកប្រទេសលីទុយអានី ដោយកាត់បន្ថយទំនាក់ទំនងការទូតជាមួយរដ្ឋបាល់ទិក និងដាក់ទណ្ឌកម្មសេដ្ឋកិច្ចជាដើម ខណៈសហភាពអឺរ៉ុបកំពុងព្យាយាមបដិសេធរឿងនេះតាមរយៈយន្តការដោះស្រាយជម្លោះរបស់អង្គការពាណិជ្ជកម្មពិភពលោក ។

លោក Paulius Lukauskas

បើទោះជាយ៉ាងនេះក្ដី ទីក្រុង Vilnius នៅតែ​ផ្គើន​នឹង​កំហឹង​របស់​ចិន​ដោយ​បង្កើន​ទំនាក់ទំនង​របស់​ខ្លួន​ជាមួយ​តៃវ៉ាន់​ ។ កាលពីខែសីហា រដ្ឋាភិបាលលីទុយអានីបានប្រកាសតែងតាំងលោក Paulius Lukauskas ជា “តំណាងពាណិជ្ជកម្ម” របស់ខ្លួននៅក្នុងការិយាល័យដែលបានគ្រោងទុកនៅទីក្រុងតៃប៉ិ ហើយអះអាងថា ការិយាល័យនេះ នឹងក្លាយជាពាណិជ្ជកម្មសុទ្ធសាធ មិនមែនពាក់ព័ន្ធនឹងរឿងនយោបាយនោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ប្រទេសអាស៊ីខាងត្បូងចំនួន ៣ កំពុងជំពាក់បំណុល ចិន វ័ណ្ឌ ក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម