Connect with us

ព័ត៌មានអន្ដរជាតិ

ផ្ទុះការប៉ះទង្គិចគ្នាថ្មីទៀត រវាង អាស៊ែបៃហ្សង់ និង អាមេនី

បានផុស

នៅ

ការប៉ះទង្គិចគ្នាថ្មីទៀត បានផ្ទុះឡើងរវាងប្រទេស អាស៊ែបៃហ្សង់ និង អាមេនី កាលពីថ្ងៃពុធទី១៣ខែកញ្ញា ពោលគឺមួយថ្ងៃបន្ទាប់ពីទាហានជិត១០០នាក់ ត្រូវបានសម្លាប់នៅក្នុងការប្រយុទ្ធគ្នាដ៏សាហាវបំផុតរវាងអតីតសាធារណរដ្ឋសហភាពសូវៀតទាំង២ ចាប់តាំងពីឆ្នាំ២០២០មក។

កាលពីថ្ងៃអង្គារ ទាហានអាមេនីចំនួន ៤៩នាក់ និងអាស៊ែបៃហ្សង់៥០នាក់ ត្រូវបានសម្លាប់ នៅក្នុងការប៉ះទង្គិចគ្នា ខណៈរដ្ឋាភិបាលទីក្រុង យ៉េរ៉េវ៉ាន់ និង បាគូ បានស្តីបន្ទោសគ្នាទៅវិញទៅមកចំពោះអំពើហិង្សា ដែលបានជំរុញឲ្យប្រធានាធិបតីរុស្ស៊ីលោក វ្ល៉ាឌីមៀរ ពូទីន អំពាវនាវឲ្យមានភាពស្ងប់ស្ងាត់។

ការប៉ះទង្គិចគ្នានេះ បានបង្កើនការភ័យខ្លាចនៃជម្លោះប្រដាប់អាវុធដ៏ធំមួយផ្សេងទៀតនៅក្នុងអតីតសហភាពសូវៀត ខណៈពេលដែលយោធារបស់រុស្ស៊ី កំពុងជាប់ដៃក្នុងការលុកលុយនៅអ៊ុយក្រែន។

ជម្លោះទ្រង់ទ្រាយធំរវាងអាមេនី និងអាស៊ែបៃហ្សង់ នឹងបង្កើនហានិភ័យ អូសទាញមហាអំណាចដូចជារុស្ស៊ី និងតួកគីឲ្យចូលពាក់ព័ន្ធ ហើយបង្កអស្ថិរភាពដល់ច្រករបៀងដ៏សំខាន់សម្រាប់បំពង់បង្ហូរប្រេង និងឧស្ម័ន ខណៈការប្រឈមមុខដាក់គ្នាលើបញ្ហាអ៊ុយក្រែន បានរំខានដល់ការផ្គត់ផ្គង់ថាមពលរួចទៅហើយ៕

ប្រែសម្រួល៖ Vann Vann

ប្រភព៖ Reuters

ចុចអាន៖ ផ្ទុះការប៉ះទង្គិចថ្មី ទាហានអាស៊ែបៃហ្សង់ ៥០ ស្លាប់ ពេលបាញ់ផ្លោងជាមួយ អាមេនី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម