ព័ត៌មានអន្ដរជាតិ
អង់គ្លេសត្រូវចាក់វ៉ាក់សាំងដល់ប្រជាជន ២ លាននាក់ក្នុងមួយសប្តាហ៍ដើម្បីការពារកូវីដរលកទី ៣ និងវីរុសក្លាយពូជថ្មី
ការសិក្សាដោយសាលាអនាម័យ និងវេជ្ជសាស្ត្រ (LSHTM) នៃទីក្រុងឡុងដ៍បានឲ្យដឹងថា ចក្រភពអង់គ្លេសត្រូវតែចាក់វ៉ាក់សាំងឲ្យមនុស្ស ២ លាននាក់ក្នុងមួយសប្តាហ៍ដើម្បីចៀសវាងការផ្ទុះឡើងនៃជំងឺកូវីដ ១៩ រលកទី ៣ និងវីរុសកូរ៉ូណាក្លាយពូជប្រភេទថ្មីផងដែរ ។
ការសិក្សានេះបាននិយាយថា “បន្ទាប់ពីប្រជាជនរាប់លាននាក់នៅទូទាំងប្រទេសអង់គ្លេសត្រូវបានគេព្រមានថា ពួកគេអាចត្រូវបានគេដាក់ចូលក្នុងវិធានការរឹតត្បិតថ្នាក់ទី ៤ ក្នុងគោលបំណងគ្រប់គ្រងវីរុសក្លាយពូជប្រភេទថ្មីនេះ បុគ្គលចំនួន ២ លាននាក់ដែលបានចាក់វ៉ាក់សាំងក្នុងមួយសប្តាហ៍គឺជាសេណារីយ៉ូតែមួយគត់ដែលយើងបានពិចារណាដើម្បីកាត់បន្ថយបន្ទុកការសង្គ្រោះបន្ទាន់ខ្ពស់បំផុតនៅក្រោមកម្រិតឆ្លង និងស្លាប់នៅរលកដំបូង” ។
ការសិក្សានេះបន្តថា “ក្នុងករណីដែលគ្មានការចាក់វ៉ាក់សាំងច្រើន ករណីឆ្លង ការចូលព្យាបាលនៅមន្ទីរពេទ្យ ការសង្គ្រោះបន្ទាន់ និងការស្លាប់ក្នុងឆ្នាំ ២០២១ អាចលើសពីចំនួនដែលកើតមាននៅឆ្នាំ ២០២០” ។
របាយការណ៍ប្រព័ន្ធផ្សព្វផ្សាយកាលពីចុងសប្តាហ៍បាននិយាយថា ចក្រភពអង់គ្លេសនឹងចាក់វ៉ាក់សាំងកូវីដរបស់ក្រុមហ៊ុន Oxford-AstraZeneca ចាប់ពីថ្ងៃទី ៤ ខែមករា ដោយរំពឹងថានឹងមានការយល់ព្រមពីនិយតករវេជ្ជសាស្ត្ររបស់ប្រទេសក្នុងរយៈពេលប៉ុន្មានថ្ងៃខាងមុខ ។
នៅដើមខែនេះចក្រភពអង់គ្លេសបានក្លាយជាប្រទេសដំបូងគេនៅលើពិភពលោកដែលបានចាក់វ៉ាក់សាំងដែលផលិតដោយក្រុមហ៊ុនអាមេរិក Pfizer និងដៃគូសហការ BioNTech របស់អាល្លឺម៉ង់ ។
ទន្ទឹមនោះរដ្ឋាភិបាលអង់គ្លេសបាននិយាយកាលពីថ្ងៃព្រហស្បតិ៍ថា ប្រជាជនចំនួន ៦០ ម៉ឺននាក់នៅចក្រភពអង់គ្លេសបានទទួលការចាក់វ៉ាក់សាំងកូវីដដូសដំបូងរបស់ក្រុមហ៊ុន Pfizer-BioNTech ចាប់តាំងពីការចាប់ផ្តើមចាក់ថ្នាំបង្ការ ។
យោងតាមការចុះផ្សាយរបស់ទីភ្នាក់ងារសារព័ត៌មាន Reuters បានឲ្យដឹងថា ចក្រភពអង់គ្លេសមានការស្លាប់ដោយសារជំងឺកូវីដ ១៩ ជាង ៧១,០០០ នាក់ ហើយបានកត់ត្រាករណីឆ្លងជំងឺនេះជាង ២.៣ លានករណីគិតត្រឹមល្ងាចថ្ងៃចន្ទ ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
ចុចអាន ៖ EU ចោទថា រុស្សុីកំពុងផ្សព្វផ្សាយព័ត៌មានមិនពិតដើម្បីឲ្យវ៉ាក់សាំងរបស់ខ្លួនលក់ដាច់
-
ព័ត៌មានជាតិ១ សប្តាហ៍ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ២ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ១ សប្តាហ៍ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
KPT+១ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ២ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៤ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ៨ ម៉ោង ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានជាតិ១ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល