Connect with us

ព័ត៌មានអន្ដរជាតិ

កូនស្រីពៅលោក ថាក់ស៊ីន ចុះឃោសនារកសំឡេងឆ្នោតឲ្យបក្សភឿថៃ

បានផុស

នៅ

លោកស្រី Paetongtarn Shinawatra កូនស្រីពៅរបស់អតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រា បានទៅដល់ខេត្ត Roi Et កាលពីថ្ងៃអាទិត្យ ដើម្បីឃោសនារកសំឡេងឆ្នោតឲ្យគណបក្សភឿថៃ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Paetongtarn ត្រូវបានស្វាគមន៍នៅឯព្រលានយន្តហោះ Roi Et ដោយហ្វូងអ្នកគាំទ្រអាវក្រហម និងបានស្រែកថា “សូមស្វាគមន៍ នាយករដ្ឋមន្ត្រី” ស្របពេលដែលលោកស្រីកំពុងទទួលផ្កាកុលាប និងកម្រងផ្កា ក៏ដូចជាចងក្រមាជុំវិញចង្កេះរបស់លោកស្រី ។

លោកស្រី​កំពុង​ធ្វើ​ដំណើរ​ទៅ​ខេត្ត​ភាគ​ឦសាន​ដើម្បី​ធ្វើ​យុទ្ធនាការ​ឃោសនា​រក​សំឡេង​ឆ្នោត​ឲ្យ​លោក Seksith Vainiyompong បេក្ខភាព​របស់​គណបក្សសម្រាប់​ធ្វើជា​ប្រធាន​អង្គការ​រដ្ឋបាល​ខេត្ត (PAO) ។

លោកស្រី Paetongtarn ត្រូវបានគេរំពឹងថានឹងក្លាយជាបេក្ខជននាយករដ្ឋមន្ត្រីរបស់គណបក្សភឿថៃសម្រាប់ការបោះឆ្នោតសកលក្នុងរយៈពេល ៦ ខែខាងមុខនេះ ។

គួរបញ្ជាក់ថា លោកស្រី Paetongtarn ក៏គ្រោងនឹងចុះទៅស្រុក Phone Thong, ស្រុក Selaphum និងស្រុក Suwannaphum ក្នុងខេត្ត Roi Et មុនពេលបញ្ចប់ការប្រមូលផ្តុំយុទ្ធនាការនៅស្រុក Muang កាលពីល្ងាចថ្ងៃអាទិត្យ ៕

ប្រែសម្រួលដោយ ៖ ជីវ័ន្ត

ប្រភព ៖ The Nations

ចុចអាន ៖ ថៃ ព្រមានភ្លៀងធ្លាក់ខ្លាំងបង្កជាទឹកជំនន់ទូទាំងប្រទេស ចាប់ពីថ្ងៃនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម