ព័ត៌មានអន្ដរជាតិ
ចិន ថា អាមេរិក បញ្ជូនសញ្ញា “ខុស និងគ្រោះថ្នាក់ខ្លាំង” អំពី តៃវ៉ាន់
ប្រទេសចិនបាននិយាយថា សហរដ្ឋអាមេរិកកំពុងបញ្ជូន “សញ្ញាខុស និងគ្រោះថ្នាក់” អំពីកោះតៃវ៉ាន់ បន្ទាប់ពីមានការសន្ទនារវាងរដ្ឋមន្ត្រីការបរទេសអាមេរិកលោក Antony Blinken និងរដ្ឋមន្ត្រីការបរទេសចិន លោក Wang Yi ក្នុងអំឡុងមហាសន្និបាតអង្គការសហប្រជាជាតិ (UNGA) កាលពីថ្ងៃសុក្រ ។
មន្ត្រីជាន់ខ្ពស់អាមេរិកបានប្រាប់អ្នកសារព័ត៌មានថា “សម្រាប់ផ្នែករបស់យើង យើងបានបញ្ជាក់យ៉ាងច្បាស់ហើយថាគឺស្របតាមគោលនយោបាយចិនតែមួយដែលមានរយៈពេលយូររបស់យើង ហើយមិនមានការផ្លាស់ប្តូរម្តងទៀតនោះទេ ។ ដោយឡែកការថែរក្សាសន្តិភាព និងស្ថិរភាពនៅទូទាំងច្រកសមុទ្រគឺពិតជាមានសារៈសំខាន់ខ្លាំងណាស់” ។
ចំណែកនៅក្នុងសេចក្តីថ្លែងការណ៍មួយ បន្ទាប់ពីកិច្ចប្រជុំ ក្រសួងការបរទេសចិនបាននិយាយថា សហរដ្ឋអាមេរិកកំពុងបញ្ជូនសញ្ញាខុស និងគ្រោះថ្នាក់ខ្លាំងណាស់អំពីតៃវ៉ាន់ ។ ពួកគេនិយាយថា សកម្មភាព និងសេចក្តីថ្លែងការណ៍ថ្មីៗជុំវិញកោះតៃវ៉ាន់ដែលធ្វើឡើងដោយសហរដ្ឋអាមេរិកនឹងលើកទឹកចិត្តដល់អ្នកដែលគាំទ្រឯករាជ្យតៃវ៉ាន់ ហើយមិនធ្វើឲ្យមានដំណោះស្រាយដោយសន្តិវិធីនោះទេ ។
លោក Wang Yi បាននិយាយថា “បញ្ហាតៃវ៉ាន់ជាបញ្ហាផ្ទៃក្នុងរបស់ចិន ហើយសហរដ្ឋអាមេរិកគ្មានសិទ្ធិជ្រៀតជ្រែកក្នុងវិធីណាដែលនឹងត្រូវប្រើដើម្បីដោះស្រាយនោះទេ” ។
គួរបញ្ជាក់ថា ការពិភាក្សារវាងលោក Antony Blinken និងលោក Wang Yi ក្នុងអំឡុងមហាសន្និបាតអង្គការសហប្រជាជាតិ (UNGA) ត្រូវបានដឹងថា មានរយៈពេលប្រហែល ៩០ នាទី ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ រុស្ស៊ី ចេញច្បាប់ថ្មី ដាក់ទោសអ្នកបដិសេធមិនធ្វើទាហាន
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore