Connect with us

ព័ត៌មានអន្ដរជាតិ

អ៊ីរ៉ង់ ប្រកាសឈ្មោះប្រទេសដែលបញ្ឆេះឲ្យមានបាតុកម្មដោយហិង្សា

បានផុស

នៅ

មេដឹកនាំកំពូលរបស់អ៊ីរ៉ង់លោក Ayatollah Ali Khamenei បានចោទប្រកាន់សហរដ្ឋអាមេរិក និងអ៊ីស្រាអែលជាអ្នកនៅពីក្រោយការញុះញង់ឲ្យមានភាពចលាចលនៅក្នុងប្រទេសដោយមានជំនួយគាំទ្រពីជនក្បត់ជាតិអ៊ីរ៉ង់រស់នៅបរទេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីថ្លែងការណ៍ជាសាធារណៈលើកដំបូង បន្ទាប់ពីការតវ៉ាហិង្សាជាច្រើនសប្តាហ៍នៅទូទាំងប្រទេសអ៊ីរ៉ង់ លោក Khamenei បានប្រាប់មន្ត្រីបញ្ចប់ការសិក្សានៅសាលាប៉ូលិសក្នុងទីក្រុងតេហេរ៉ង់កាលពីថ្ងៃចន្ទថា “ភាពចលាចល និងអសន្តិសុខនេះ គឺជាការបញ្ឆេះឡើងដោយសហរដ្ឋអាមេរិក និងរបបអ៊ីស្រាអែល ជាពិសេសជនក្បត់ជាតិអ៊ីរ៉ង់មួយចំនួនដែលរស់នៅបរទេស បានជួយពួកគេក្នុងបញ្ហានេះ” ។

ការតវ៉ាបានផ្ទុះឡើងនៅក្នុងទីក្រុង និងទីប្រជុំជននានាទូទាំងប្រទេសអ៊ីរ៉ង់កាលពីជាង ២ សប្តាហ៍មុន បន្ទាប់ពីការស្លាប់របស់នាង Mahsa Amini អាយុ ២២ ឆ្នាំនៅក្នុងការឃុំឃាំងរបស់ប៉ូលិស បន្ទាប់ពីត្រូវ​បាន​ចាប់​ខ្លួន​ពី​បទស្លៀក​ពាក់​មិនត្រឹមត្រូវតាមបែបប្រពៃណីរបស់ Hijab ។

ស្របពេលជាមួយគ្នានេះ រដ្ឋាភិបាល​អ៊ីរ៉ង់​បានអះអាង​ថា មនុស្ស​ ៤១ ​នាក់​បាន​ស្លាប់ ​ក្នុង​អំឡុង​ពេល​បាតុកម្មនេះ ​ហើយក្នុង​នោះ​ក៏មាន​ភ្នាក់ងារ​អនុវត្ត​ច្បាប់​មួយ​ចំនួនផងដែរ ខណៈដែលអង្គការលើកលែងទោសអន្តរជាតិបានដាក់ចំនួនអ្នកស្លាប់រហូតដល់ទៅ ៥២ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អ៊ីរ៉ង់ ចាប់ខ្លួនពលរដ្ឋ អឺរ៉ុប ពាក់ព័ន្ធបាតុកម្មកំពុងផ្ទុះក្នុងប្រទេស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម