ព័ត៌មានអន្ដរជាតិ
រុស្ស៊ី បង្ហាញចំនួនទាហាន ដែលខ្លួនកែនបាន ទៅប្រយុទ្ធនៅ អ៊ុយក្រែន (មានវីដេអូ)
រដ្ឋមន្ត្រីក្រសួងការពារជាតិរុស្ស៊ីលោក Sergey Shoigu បានប្រកាសក្នុងសន្និសីទមួយកាលពីថ្ងៃអង្គារទី០៤ខែតុលាថា ផែនការកែនទាហានរបស់រុស្ស៊ីគឺ សម្រេចបានជាងពីរភាគបីហើយ។
ប្រមុខក្រសួងការពារជាតិរូបនេះនិយាយថា រហូតមកដល់ពេលនេះ មានមនុស្សជាង ២០០ ០០០នាក់ហើយ ត្រូវបានបន្ថែមចូលទៅក្នុងកងកម្លាំងប្រដាប់អាវុធរុស្ស៊ី ដែលពួកគេទាំងអស់កំពុងស្ថិតនៅក្រោមការបណ្តុះបណ្តាលចាំបាច់។
ស្របពេលជាមួយគ្នានោះដែរ លោក Shoigu បានណែនាំដល់មន្ត្រីពាក់ព័ន្ធទាំងអស់ ត្រូវផ្តល់ឧបករណ៍ចាំបាច់ទាំងអស់ទៅឲ្យទាហានដែលកែនបាន ហើយដាក់ពង្រាយពួកគេទៅកាន់ទីតាំងយោធា។
លោករដ្ឋមន្ត្រីបន្ថែមថា ក៏មានអ្នកស្ម័គ្រចិត្តមួយចំនួនធំ ទៅបង្ហាញខ្លួននៅគណៈបញ្ជាការយោធាក្នុងគោលបំណងចូលបម្រើកងទ័ពផងដែរ ហើយបានសង្កត់ធ្ងន់ថា វាមានសារសំខាន់ខ្លាំងណាស់ក្នុងការវាយតម្លៃចំពោះសំណើនីមួយៗដោយប្រុងប្រយ័ត្ន និងមិនត្រូវបដិសេធនរណាម្នាក់ឡើយ លុះត្រាតែមានហេតុផលជាក់ស្តែង។
លោកក៏បានពន្យល់ផងដែរថា អ្នកទាំងឡាយណាដែលត្រូវបានកោះហៅឲ្យចូលបម្រើការ ក្នុងរយៈពេល២សប្តាហ៍ចុងក្រោយនេះ នឹងត្រូវបញ្ជូនឲ្យទៅចូលរួមតែក្នុងប្រតិបត្តិការយោធារបស់ទីក្រុងមូស្គូ នៅប្រទេសអ៊ុយក្រែនប៉ុណ្ណោះ បន្ទាប់ពីពួកគេបញ្ចប់ការហ្វឹកហ្វឺន និងអភិវឌ្ឍសមត្ថភាពប្រយុទ្ធជាមួយអង្គភាព។
ដើម្បីពន្លឿនដំណើរការហ្វឹកហ្វឺន លោករដ្ឋមន្ត្រីបានបញ្ជាឲ្យមេបញ្ជាការ ផ្តល់ការបណ្តុះបណ្តាលបន្ថែម ក្រោមការណែនាំរបស់មន្រ្តីដែលមានបទពិសោធន៍ប្រយុទ្ធ។
គួរបញ្ជាក់ជាថ្មី ក្នុងសុន្ទរកថាតាមទូរទស្សន៍កាលពីថ្ងៃទី២១ខែកញ្ញា ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រកាសពីការកែនទ័ពមួយផ្នែក ដោយស្វែងរកទាហានបម្រុងចំនួន ៣០០ ០០០នាក់ ដើម្បីចូលរួមក្នុងជម្លោះយោធាដែលកំពុងបន្តជាមួយអ៊ុយក្រែន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ រថភ្លើងដឹកឧបករណ៍យោធា ចេញពីអង្គភាពអាវុធនុយក្លេអ៊ែររុស្ស៊ី ធ្វើដំណើរទៅសមរភូមិជួរមុខនៅ អ៊ុយក្រែន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង