ព័ត៌មានអន្ដរជាតិ
តៃវ៉ាន់ ព្រមាន ចិន ខ្លាំងៗ (មានវីដេអូ)
ទីក្រុងតៃប៉ិ បានព្រមានខ្លាំងៗដល់ទីក្រុងប៉េកាំង ប្រឆាំងនឹងការបញ្ជូនយន្តហោះយោធាណាមួយ ចូលទៅក្នុងដែនអាកាសរបស់តៃវ៉ាន់ ដោយប្តេជ្ញាចាត់ទុកការលុកលុយណាមួយថាជា “ការវាយប្រហារមុន”។ នេះបើយោងតាមរដ្ឋមន្ត្រីការពារជាតិតៃវ៉ាន់លោក Chiu Kuo-cheng។
ថ្លែងទៅកាន់សមាជិកសភានៅក្នុងកិច្ចប្រជុំនៃគណៈកម្មាធិការកិច្ចការបរទេស និងការពារជាតិរបស់សភាកាលពីថ្ងៃពុធទី០៥ខែតុលា លោក Chiu និយាយថា យន្តហោះចម្បាំង ឬយន្តហោះគ្មានមនុស្សបើករបស់ចិនណា ដែលឆ្លងចូលទៅក្នុងដែនអាកាសរបស់តៃវ៉ាន់ នឹងជំរុញឲ្យមានប្រតិកម្មពីទីក្រុងតៃប៉ិ។
លោកបានរំលឹកថា “កាលពីអតីតកាល ទីក្រុងតៃប៉ិបានប្តេជ្ញាថា នឹងមិនធ្វើការវាយប្រហារមុនឡើយ លុះត្រាតែកងទ័ពចិន បាញ់កាំភ្លើងធំ ឬមីស៊ីលលើកោះដែលគ្រប់គ្រងដោយខ្លួនឯងនេះមុន។ ប៉ុន្តែឥឡូវ និយមន័យបានផ្លាស់ប្តូរយ៉ាងច្បាស់ ដោយសារចិនប្រើមធ្យោបាយដូចជាយន្តហោះគ្មានមនុស្សបើក។ ដូច្នេះ យើងបានកែសម្រួល ហើយនឹងចាត់ទុកការឆ្លងកាត់ដែនអាកាស ថាជាការវាយប្រហារមុន”។
ទោះបីជាយ៉ាងណាក៏ដោយ លោករដ្ឋមន្ត្រីមិនបានបញ្ជាក់ទេថាតើទីក្រុងតៃប៉ិ មានបំណងឆ្លើយតបទៅយន្តហោះចិនដែលរំលោភដែនអាកាសរបស់ខ្លួនដោយរបៀបណា ប៉ុន្តែបានសង្កត់ធ្ងន់ថា យោធារបស់កោះតៃវ៉ាន់ពិតជាមានបន្ទាត់ក្រហមរបស់ខ្លួន ហើយនឹងចាត់វិធានការតបតវិញ នៅពេលដែលខ្សែការពារដែនកោះនេះត្រូវបានឆ្លងកាត់។
ការព្រមានរបស់ទីក្រុងតៃប៉ិ កើតឡើងបន្ទាប់ពីប្រទេសចិន បានបង្កើនសម្ពាធយោធារបស់ខ្លួន និងបានធ្វើសមយុទ្ធយោធាជាបន្តបន្ទាប់ជុំវិញកោះដែលគ្រប់គ្រងដោយខ្លួនឯង ចាប់តាំងពីភាពតានតឹងរវាងទីក្រុងប៉េកាំង និងតៃប៉ិហក់ឡើងខ្លាំងកាលពីដើមខែសីហា។
ភាពតានតឹង ត្រូវបានជំរុញដោយដំណើរទស្សនកិច្ចទៅកាន់កោះតៃវ៉ាន់របស់ប្រធានសភាតំណាងរាស្រ្តអាមេរិក លោកស្រី Nancy Pelosi ផ្គើនទៅនឹងការតវ៉ាម្តងហើយម្តងទៀតពីសំណាក់រដ្ឋាភិបាលចិន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ ចារកម្មអាមេរិក ថា ចិន នឹងវាយយក តៃវ៉ាន់ មកគ្រប់គ្រងនៅឆ្នាំ ២០២៧
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង