Connect with us

ព័ត៌មានអន្ដរជាតិ

លោក ប្រាយុទ្ធ បញ្ជាឲ្យរឹតបន្តឹងច្បាប់កាំភ្លើង និងបង្រ្កាបគ្រឿងញៀន ក្រោយការសម្លាប់រង្គាល

បានផុស

នៅ

នាយករដ្ឋមន្ត្រីថៃ លោក ប្រាយុទ្ធ ចាន់អូចា កាលពីថ្ងៃចន្ទទី១០ខែតុលា បានបញ្ជាឲ្យភ្នាក់ងារអនុវត្តច្បាប់ រឹតបន្តឹងច្បាប់កាន់កាប់កាំភ្លើង និងបង្រ្កាបការប្រើប្រាស់គ្រឿងញៀន បន្ទាប់ពីការសម្លាប់រង្គាលដោយអតីតប៉ូលិសម្នាក់ នៅទារកដ្ឋាន ដែលបង្កភាពតក់ស្លុត ទូទាំងប្រទេស។

នាយករដ្ឋមន្ត្រីថៃ លោក ប្រាយុទ្ធ ចាន់អូចា

មនុស្សសរុប ៣៦នាក់ រួមទាំងកុមារ ២៤ នាក់ផងដែរ ត្រូវបានសម្លាប់ក្នុងការវាយប្រហារដោយកាំបិត និងកាំភ្លើងកាលពីសប្តាហ៍មុន។ នោះគឺជាការសម្លាប់កុមារដ៏អាក្រក់បំផុតមួយ នៅក្នុងហេតុការណ៍សម្លាប់រង្គាលដោយឃាតកតែម្នាក់ ក្នុងប្រវត្តិសាស្ត្រសម័យថ្មី។

អ្នកនាំពាក្យរដ្ឋាភិបាលលោក Anucha Burapachaisri បាននិយាយនៅក្នុងសេចក្តីថ្លែងការណ៍មួយថា លោក ប្រាយុទ្ធ បានណែនាំអាជ្ញាធរឲ្យស្រាវជ្រាវ និងធ្វើតេស្តយ៉ាងសកម្ម រកអ្នកប្រើប្រាស់គ្រឿងញៀនក្នុងចំណោមមន្ត្រី និងសហគមន៍ និងបង្កើនការព្យាបាលអ្នកញៀនថ្នាំ។

អ្នកនាំពាក្យរដ្ឋាភិបាលលោក Anucha Burapachaisri

ស្របពេលជាមួយគ្នានោះ លោកនាយករដ្ឋមន្ត្រី បានបញ្ជាឲ្យមន្ត្រីអត្រានុកូលដ្ឋាន ដកហូតអាជ្ញាប័ណ្ណកាំភ្លើងរបស់ម្ចាស់រូបណា ដែលមានអាកប្បកិរិយាគំរាមកំហែងដល់សង្គម និងបង្កើតភាពចលាចល ឬបង្កឲ្យមានភាពចលាចល។ ការលក់កាំភ្លើងខុសច្បាប់ ការរត់ពន្ធអាវុធ និងការប្រើប្រាស់អាវុធខុសច្បាប់ ក៏ត្រូវតែបង្ក្រាបផងដែរ។

អាជ្ញាធរ​ថៃ​ គ្រោង​នឹង​ប្រមូល​កាំភ្លើង​ពី​មន្ត្រី និង​ប៉ូលិសរូបណា ​ដែល​​ប្រើប្រាស់​អាវុធ​មិនត្រឹមត្រូវ ឬ​មាន​អាកប្បកិរិយា​គឃ្លើន​ ពេលបំពេញ​កាតព្វកិច្ច។

ដោយឡែក លោកឧត្តមសេនីយ៍ Damrongsak Kittprapas អគ្គស្នងការនគរបាលជាតិ បានប្រាប់អ្នកយកព័ត៌មានថា ការត្រួតពិនិត្យសុខភាពផ្លូវចិត្តជាទៀងទាត់ ក៏នឹងត្រូវបានទាមទារផងដែរ សម្រាប់អ្នកដាក់ពាក្យសុំអាជ្ញាប័ណ្ណ និងអ្នកកាន់កាំភ្លើង។

គួរបញ្ជាក់ថា កម្មសិទ្ធិ​កាំភ្លើង​មាន​កម្រិត​ខ្ពស់​ក្នុងប្រទេស​ថៃ បើ​ធៀប​នឹង​ប្រទេស​មួយ​ចំនួន​ទៀត​នៅ​អាស៊ីអាគ្នេយ៍៕

ប្រែសម្រួល៖ Vann Vann

ប្រភព៖ Reuters

ចុចអាន៖ CNN សុំទោស ដែលអ្នកកាសែតរបស់ខ្លួន ចូលទៅក្នុងទីតាំងនៃការសម្លាប់កុមារ ថៃ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៣៩ នាទី មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៤៣ នាទី មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ១ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ១ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

ជីវិតកម្សាន្ដ២ ម៉ោង មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

Sokha Hotels

ព័ត៌មានពេញនិយម