ចេញដំណើរមិនបានប៉ុន្មានវិនាទីផង យន្តហោះមួយគ្រឿងស្រាប់តែជ្រុះកង់

នៅ​ក្នុងវីដេអូ​ដ៏​គួរ​ឲ្យ​ភ្ញាក់ផ្អើល​ យន្តហោះ Boeing មួយ​គ្រឿង ​បានជ្រុះកង់មួយ​ទម្ងន់ ១០០ គីឡូក្រាម ត្រឹមតែប៉ុន្មាន​វិនាទី​ប៉ុណ្ណោះ បន្ទាប់​ពី​ហោះ​ឡើងនៅម៉ោង ០៩:០៩នាទីព្រឹកថ្ងៃពុធ។

កង់ បានជ្រុះចេញពីយន្តហោះដឹកទំនិញ Dreamlifter ក្រោយចេញដំណើរនៅឯអាកាសយានដ្ឋាន Taranto ក្នុងប្រទេសអ៊ីតាលីឆ្ពោះទៅ​ទីក្រុង Charleston នៃរដ្ឋ South Carolina សហរដ្ឋអាមេរិក។

ក្រោយមក កង់យន្តហោះ ត្រូវបានគេរកឃើញនៅក្នុងចម្ការទំពាំងបាយជូរក្បែរនោះ ខាងក្រៅបរិវេណអាកាសយានដ្ឋាន នៅភាគខាងត្បូងប្រទេសអ៊ីតាលី។

ទោះបីជាមានបញ្ហាក៏ដោយ ជើងហោះហើរ N718BA របស់ក្រុមហ៊ុនអាកាសចរណ៍ Atlas Air មួយនេះ បានចុះចតដោយសុវត្ថិភាពនៅសហរដ្ឋអាមេរិក។

មិនមានការបញ្ជាក់ទេថាតើ មានមនុស្សប៉ុន្មាននាក់ជិះក្នុងយន្តហោះនេះ។

ក្រុមអ្នកស៊ើបអង្កេតមកពីទីភ្នាក់ងារជាតិសម្រាប់សុវត្ថិភាពហោះហើរ (ANSV) កំពុងស៊ើបអង្កេតឧប្បត្តិហេតុនេះ ហើយនឹងសម្រេចចិត្តថាតើ ត្រូវបើកការស៊ើបអង្កេតជាផ្លូវការឬក៏យ៉ាងណា៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ រន្ទះ បាញ់យន្តហោះវៀតណាម ក្រោយចាកចេញពីកោះ Phu Quoc