ព័ត៌មានអន្ដរជាតិ
អ្នកកាសែតផ្សព្វផ្សាយកិច្ចប្រជុំ APEC នៅថៃ នឹងទទួលបានការម៉ាស្សា ដោយឥតគិតថ្លៃ (មានវីដេអូ)
ការម៉ាស្សាបែបថៃ ត្រូវបានទទួលស្គាល់ជាអន្តរជាតិក្នុងចំណោមអ្នកស្រលាញ់សុខភាព និងសហគមន៍ស្ប៉ា។
ហើយក្នុងឱកាសដែលប្រទេសថៃធ្វើជាម្ចាស់ផ្ទះនៃកិច្ចប្រជុំមេដឹកនាំសេដ្ឋកិច្ច APEC ក្នុងឆ្នាំ ២០២២នេះ សេវាកម្មម៉ាស្សា និងស្ប៉ាថៃ នឹងត្រូវបានផ្តល់ជូនអ្នកសារព័ត៌មាន ដែលមកផ្សព្វផ្សាយអំពីព្រឹត្តិការណ៍នេះ នៅមជ្ឈមណ្ឌលសន្និបាតជាតិ Queen Sirikit។
គោលបំណងក្នុងការផ្តល់ជូនសេវាកម្មនេះ គឺដើម្បីជួយបង្ហាញជំនាញរបស់អ្នកម៉ាស្សាថៃ ដល់អន្តរជាតិ។
ការម៉ាស្សាបែបថៃត្រូវបានគេចាត់ទុកថាជាទ្រព្យសម្បត្តិអំណាចទន់ (Soft Power) មួយរបស់ប្រទេសថៃ ដែលនាយកដ្ឋានអភិវឌ្ឍន៍ជំនាញក្រោមក្រសួងការងារ នឹងបង្ហាញក្នុងកិច្ចប្រជុំរបស់មេដឹកនាំ APEC។ ការម៉ាស្សា ក និងស្មា ការម៉ាស្សាដំលើខ្នង និងការម៉ាស្សាដោយប្រើដុំថ្មក្តៅ គឺជាសេវាកម្មនឹងផ្តល់ជូនអ្នកកាសែតដោយឥតគិតថ្លៃ។
អ្នកម៉ាស្សា ដែលនឹងបង្ហាញបច្ចេកទេសទាំងនេះ ត្រូវបានជ្រើសរើសដោយការិយាល័យអភិវឌ្ឍន៍ជំនាញការងារនៅខេត្ត Nonthaburi និង Nakhon Nayok។ អ្នកម៉ាស្សាមួយចំនួនទៀត ក៏ត្រូវបានជ្រើសរើសពីវិទ្យាស្ថានអភិវឌ្ឍន៍ធនធានមនុស្សសម្រាប់ឧស្សាហកម្មសុខភាព ផងដែរ។
លើសពីនេះ ផលិតផលរុក្ខជាតិ សម្រាប់ប្រើក្នុងការម៉ាស្សា និងសុខភាព ក៏នឹងត្រូវបានផ្តល់ជូនអ្នកសារព័ត៌មានផងដែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Thai News
ចុចអាន៖ អភិបាលក្រុងបាងកក បារម្ភផ្ទុះបាតុកម្ម អំឡុងកិច្ចប្រជុំ APEC
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង