ព័ត៌មានអន្ដរជាតិ
ចិន ចង់ជួយរុស្ស៊ី កសាង “ពិភពលោកពហុប៉ូល”
បន្ទាប់ពីជួបសមភាគីរុស្ស៊ី Sergey Lavrov នៅខាងក្រៅកិច្ចប្រជុំកំពូល G20 លើកោះបាលី នៃប្រទេសឥណ្ឌូណេស៊ី, រដ្ឋមន្ត្រីការបរទេសចិនលោក Wang Yi បាននិយាយកាលពីថ្ងៃអង្គារទី១៥ខែវិច្ឆិកាថា ទីក្រុងប៉េកាំងនឹងសហការជាមួយទីក្រុងមូស្គូ ដើម្បីកសាងពិភពលោកពហុប៉ូលមួយ។

លោកនិយាយថា “ប្រទេសចិន បានត្រៀមខ្លួនរួចជាស្រេច ដើម្បីធ្វើការជាមួយរុស្ស៊ី និងប្រទេសដែលមានគំនិតដូចគ្នាផ្សេងទៀត ដើម្បីលើកកម្ពស់ការអភិវឌ្ឍនៃពិភពលោកពហុប៉ូល គាំទ្រយ៉ាងពេញទំហឹងនូវលទ្ធិប្រជាធិបតេយ្យនៃទំនាក់ទំនងអន្តរជាតិ និងការពារប្រព័ន្ធអន្តរជាតិដោយផ្អែកលើអង្គការសហប្រជាជាតិ”។
លោក Wang ក៏បានលើកឡើងផងដែរថា ទីក្រុងប៉េកាំងនឹងបន្តប្រកាន់យកគោលជំហរមិនលម្អៀង និងយុត្តិធម៌លើជម្លោះនៅអ៊ុយក្រែន ហើយដើរតួនាទីស្ថាបនាក្នុងការសម្របសម្រួលកិច្ចចរចាសន្តិភាព។

ប្រទេសចិនក៏បានកោតសរសើរចំពោះជំហរសមហេតុផល និងការទទួលខុសត្រូវរបស់រុស្ស៊ីលើការប្រើប្រាស់អាវុធនុយក្លេអ៊ែរផងដែរ។
ទីក្រុងមូស្គូ បានអះអាងម្តងហើយម្តងទៀត និងបញ្ជាក់យ៉ាងច្បាស់នូវការប្តេជ្ញាចិត្តរបស់ខ្លួន ចំពោះសេចក្តីថ្លែងការណ៍រួមប្រឆាំងនឹងសង្គ្រាមនុយក្លេអ៊ែរដោយមហាអំណាចបរមាណូទាំង៥ ដែលបានអនុម័តកាលពីខែមករាថា សង្រ្គាមនុយក្លេអ៊ែរគឺមិនអាចទទួលយកបានទេ ហើយមិនគួរត្រូវបានប្រយុទ្ធឡើយ៕
ប្រែសម្រួល៖ Vann Vann
ប្រភព៖ RT
ចុចអាន៖ ៤ចំណុច បង្កការចាប់អារម្មណ៍ខ្លាំង ក្នុងជំនួបទល់មុខគ្នាលើកដំបូង រវាងលោក ស៊ី និងលោក បៃដិន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ