Connect with us

ព័ត៌មានអន្ដរជាតិ

៤ចំណុច បង្កការចាប់អារម្មណ៍ខ្លាំង ក្នុងជំនួបទល់មុខគ្នាលើកដំបូង រវាងលោក ស៊ី និងលោក បៃដិន (មានវីដេអូ)

បានផុស

នៅ

នៅខាងក្រៅកិច្ចប្រជុំកំពូល G20 លើកោះបាលី លោក ចូ បៃដិន និង ស៊ី ជីនពីង បានជួបទល់មុខគ្នាជាលើកដំបូងក្នុងនាមជាមេដឹកនាំ ក្នុងការប៉ុនប៉ងកាត់បន្ថយភាពតានតឹងលើបញ្ហាកោះតៃវ៉ាន់ និងពាណិជ្ជកម្ម ដែលធ្វើឲ្យទំនាក់ទំនងរវាងសហរដ្ឋអាមេរិក និងចិន ធ្លាក់ដល់កម្រិតទាបបំផុតក្នុងរយៈពេលប៉ុន្មានទសវត្សរ៍ចុងក្រោយ។ ហើយខាង​ក្រោម​នេះ ​គឺ​ជាចំណុចគួរឲ្យចាប់អារម្មណ៍​ទាំង​៤ ក្នុងជំនួបរវាងមេដឹកនាំទាំង២ កាលពីម្សិលមិញ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. លោក បៃដិន មានជំងឺផ្តាសាយ ប៉ុន្តែលោក ស៊ី នៅតែចាប់ដៃរបស់គាត់

មេដឹកនាំចិនគឺជាអ្នកប្រកាន់ខ្ជាប់វិធានការទប់ស្កាត់ជំងឺកូវីដ ប៉ុន្តែលោកនៅតែចាប់ដៃជាមួយលោក បៃដិន ថ្វីបើមេដឹកនាំអាមេរិក មានជំងឺផ្តាសាយស្រាលក៏ដោយ។

ប្រធានាធិបតីចិន លោក ស៊ី ជីនពីង (ឆ្វេង) និងប្រធានាធិបតីអាមេរិកលោក ចូ បៃដិន

ភាពស្និទ្ធស្នាល ក៏ដូចជាស្នាមញញឹមដាក់កាមេរ៉ា បានបង្ហាញឲ្យឃើញថា មេដឹកនាំទាំងពីរពិតជាចង់បានទំនាក់ទំនងការងារកាន់តែប្រសើរឡើង។

២. លោក បៃដិន បាន​ប្រាប់​​លោក ស៊ី ​ថា គោលនយោបាយ​តៃវ៉ាន់​របស់​ចិន ​គឺ “គឃ្លើន”

បើទោះបីជាមានស្នាមញញឹមក៏ដោយ ក៏ប្រធានាធិបតីអាមេរិកបានលើកឡើងពីបញ្ហាចម្រូងចម្រាសជាច្រើន ក្នុងអំឡុងពេលកិច្ចប្រជុំរយៈពេលបីម៉ោង។

ប្រធានបទដ៏រសើបបំផុតដែលលោកបានលើកឡើង គឺការជំទាស់របស់សហរដ្ឋអាមេរិកចំពោះ សកម្មភាពបង្ខិតបង្ខំ និងកាន់តែគឃ្លើន របស់ចិនចំពោះតៃវ៉ាន់ ដែលលោកនិយាយថា បានធ្វើឲ្យខូចសន្តិភាព និងស្ថិរភាពនៅទូទាំងច្រកសមុទ្រតៃវ៉ាន់ និងបង្កគ្រោះថ្នាក់ដល់វិបុលភាពពិភពលោក។

លោក ស៊ី បានប្រាប់លោក បៃដិន ថា រឿងតៃវ៉ាន់គឺស្ថិតនៅលើ ផលប្រយោជន៍ស្នូលរបស់ចិន និង ខ្សែបន្ទាត់ក្រហមដំបូង ក្នុងទំនាក់ទំនងទ្វេភាគីដែលមិនត្រូវឆ្លងកាត់នោះទេ។

ស្របពេលជាមួយគ្នានោះ​ លោក បៃដិន បានធានាជាថ្មីដល់ប្រទេសចិនថា ការប្តេជ្ញាចិត្តរបស់សហរដ្ឋអាមេរិកចំពោះគោលនយោបាយ “ចិនតែមួយ” មិនផ្លាស់ប្តូរទេ។

៣. កិច្ចសហប្រតិបត្តិការអាកាសធាតុអាចបន្តឡើងវិញក្នុងទម្រង់មួយចំនួន

មេដឹកនាំទាំង២បាននិយាយថា ពួកគេនឹងផ្តល់សិទ្ធិអំណាចដល់មន្ត្រីជាន់ខ្ពស់សំខាន់ៗ លើផ្នែកនៃកិច្ចសហប្រតិបត្តិការដែលមានសក្តានុពល រួមទាំងការដោះស្រាយវិបត្តិអាកាសធាតុ និងការរក្សាស្ថិរភាពហិរញ្ញវត្ថុ សុខភាព និងអាហារពិភពលោក ជាដើម។

ប្រធានាធិបតីចិន លោក ស៊ី ជីនពីង (ឆ្វេង) និងប្រធានាធិបតីអាមេរិកលោក ចូ បៃដិន

យ៉ាងណាក្តី គេមិនច្បាស់ភ្លាមៗទេថាតើ នោះមានន័យថា ប្រទេសចិននឹងយល់ព្រមចាប់ផ្តើមកិច្ចចរចាអំពីការប្រែប្រួលអាកាសធាតុឡើងវិញដែរឬទេ បន្ទាប់ពីខ្លួនបានផ្អាកដើម្បីតវ៉ាចំពោះដំណើរទស្សនកិច្ចដ៏ចម្រូងចម្រាសរបស់ប្រធានសភាអាមេរិក លោកស្រី Nancy Pelosi ទៅកាន់កោះតៃវ៉ាន់ កាលពីខែសីហា។

៤. ការ​គំរាម​កំហែង​នុយក្លេអ៊ែរ​របស់​ទីក្រុងមូស្គូ​ ​ធ្វើ​ឲ្យទី​ក្រុង​ប៉េកាំង​និង​​វ៉ាស៊ីនតោន ​ព្រួយ​បារម្ភ

យោងតាមសេចក្តីថ្លែងការណ៍របស់សហរដ្ឋអាមេរិក, មេដឹកនាំទាំង២ ក៏បានឯកភាពគ្នាដែរថា “សង្រ្គាមនុយក្លេអ៊ែរមិនគួរត្រូវបានប្រយុទ្ធនោះទេ និងគ្មានអ្នកឈ្នះឡើយ”។ មេដឹកនាំទាំង២ បានគូសបញ្ជាក់អំពីការប្រឆាំងរបស់ពួកគេ ចំពោះការប្រើប្រាស់ឬការគំរាមកំហែងប្រើប្រាស់អាវុធនុយក្លេអ៊ែរនៅប្រទេសអ៊ុយក្រែន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Guardian

ចុចអាន៖ មេដឹកនាំពិភពលោក នឹងមិនថតរូបជុំគ្នាទេ ក្នុងកិច្ចប្រជុំកំពូល G20 នៅ ឥណ្ឌូណេស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៣ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៣ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៣ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ៣ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម