ព័ត៌មានអន្ដរជាតិ
អតីតទីប្រឹក្សាលោកស្រី ស៊ូជី លាតត្រដាងរឿងរ៉ាវដ៏អាក្រក់នៅក្នុងពន្ធនាគារ
ជនជាតិអូស្ត្រាលី លោក Sean Turnell ដែលជាអតីតទីប្រឹក្សាសេដ្ឋកិច្ចរបស់លោកស្រី អ៊ុងសាន ស៊ូជី បាននិយាយនៅក្នុងបទសម្ភាសន៍ជាលើកដំបូង បន្ទាប់ពីលោកត្រូវបានដោះលែងពីពន្ធនាគារមីយ៉ាន់ម៉ាកាលពីសប្តាហ៍មុន ដោយនិយាយថា រដ្ឋាភិបាលអូស្ត្រាលីគួរតែដាក់ទណ្ឌកម្មយោធា និងនាយកធនាគារមីយ៉ាន់ម៉ា។
នៅក្នុងបទសម្ភាសន៍ជាមួយកាសែត The Australian កាលពីថ្ងៃចន្ទទី២១ ខែវិច្ឆិកា លោក Sean Turnell បាននិយាយថា៖ “លោកត្រូវបានជាប់ពន្ធនាគារអស់រយៈពេល ៦៥០ថ្ងៃបន្ទាប់ពីការចាប់ខ្លួនលោក នៅថ្ងៃទី៦ ខែកុម្ភៈ ឆ្នាំ២០២១។ ដំបូងឡើយត្រូវបានឃុំឃាំងនៅពន្ធនាគារអ៊ីនសេង (Insein) ហើយបន្ទាប់មកនៅពន្ធនាគារក្នុងទីក្រុងណៃពិដោរ (Naypyidaw) ។ លោកថា ដំបូងឡើយប៉ូលិសបានចោទប្រកាន់ថា លោកបានធ្វើការឱ្យក្រុមហ៊ុន MI6 របស់អង់គ្លេស និងរត់ពន្ធអាវុធ ខណៈដែលលោកត្រូវបានគេរុញច្រានយ៉ាងខ្លាំង ប៉ុន្តែលោកមិនត្រូវបានសមត្ថកិច្ចវាយដំនោះទេ។ ពួកគេ (សមត្ថកិច្ច) មិនបានភ្ជាប់អេឡិចត្រូត (electrodes) ជាមួយខ្ញុំទេ ប៉ុន្តែខ្ញុំត្រូវបានគេយកទៅដាក់ក្នុងបន្ទប់ឃុំឃាំងដ៏កខ្វក់គួរឱ្យខ្ពើម។ អាហារដែលគេចែកឱ្យខ្ញុំ គឺក្នុងធុងមួយរយៈពេល ៦៥០ថ្ងៃដែលខ្ញុំត្រូវញ៉ាំអាហារពីធុងតែមួយតាំងពីនៅទីក្រុងណៃពិដោររហូតដល់អ៊ីនសេង ដែលវាមិនមែនជាធុងថ្មីនោះទេ។ វាជាធុងលាបពណ៌”។
លោក Sean Turnell ត្រូវបានកាត់ទោសក្នុងខែកញ្ញាឱ្យជាប់ពន្ធនាគារចំនួន ៣ឆ្នាំពីបទរំលោភលើច្បាប់សម្ងាត់របស់រដ្ឋ និងច្បាប់អន្តោប្រវេសន៍។
លោក Sean Turnell បាននិយាយថា លោកត្រូវបានឆ្លងជំងឺកូវីដ-១៩ រហូតដល់ ៥ដង ក្នុងអំឡុងពេលឃុំឃាំង។ ហើយត្រូវបានឃុំឃាំងតែម្នាក់ឯងជាច្រើនខែដោយមិនមានសៀវភៅ ឬគ្រែឡើយ។ នៅក្នុងពន្ធនាគារអ៊ីនសេង (Insein) លោកត្រូវបានឃុំឃាំងនៅក្នុងបន្ទប់ទំហំ ៦គុណនឹង២,៥ម៉ែត្រ គ្មានបន្ទប់ទឹក មានតែកៅអីដែកមួយគត់នៅកណ្តាលបន្ទប់។
លោក Sean Turnell បានបន្តថា ក្តីសុបិនរបស់ប្រជាជនមីយ៉ាន់ម៉ាត្រូវបានបំផ្លាញទាំងស្រុង ហើយលោកគាំទ្រការដាក់ទណ្ឌកម្មប្រឆាំងនឹងមន្ត្រីយោធា និងនាយកធនាគារមីយ៉ាន់ម៉ា ប៉ុន្តែលោកមិនបានបញ្ជាក់ថា ជាធនាគារណាមួយឡើយ។
គួររំលឹកថា លោក Sean Turnell ទើបត្រូវបានយោធាមីយ៉ាន់ម៉ាដោះលែងកាលពីថ្ងៃទី១៧ ខែវិច្ឆិកា បន្ទាប់ពីការចរចាជាច្រើនខែ រួមទាំងសម្ពាធពីកម្ពុជា និងថៃផងដែរ៕
ប្រែសម្រួល៖ គង់ សំអាន
ប្រភព៖ Mgronline
ចុចអាន៖ អ៊ុយក្រែន បើកការស៊ើបអង្កេតលើវីដេអូដែល រុស្ស៊ី ចោទថា ប្រហារជីវិតអ្នកទោសសង្គ្រាម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង