Connect with us

ព័ត៌មានអន្ដរជាតិ

ឥណ្ឌូណេស៊ី អនុម័តច្បាប់ហាមរួមភេទ មុនរៀបការ អ្នកល្មើសនឹងជាប់​ពន្ធនាគារ

បានផុស

នៅ

សភារបស់ប្រទេសឥណ្ឌូណេស៊ីបានអនុម័តច្បាប់ព្រហ្មទណ្ឌថ្មីមួយនៅថ្ងៃអង្គារនេះ ដែលនឹងដាក់ទោសការរួមភេទ មុនការរៀបអាពាហ៍ពិពាហ៍ ឲ្យជាប់ពន្ធនាគាររហូតដល់ ១ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីការហាមមិនឲ្យរួមភេទ មុនការរៀបអាពាហ៍ពិពាហ៍, ច្បាប់ថ្មីនេះក៏នឹងហាមឃាត់ការប្រមាថប្រធានាធិបតី ឬស្ថាប័នរដ្ឋ ក៏ដូចជាការបង្ហាញទស្សនៈផ្ទុយនឹងមនោគមវិជ្ជារដ្ឋរបស់ឥណ្ឌូណេស៊ីផងដែរ ។

សមាជិកសភាលោក Bambang Wuryanto ដែលទាក់ទងនឹងសេចក្ដីព្រាងច្បាប់នេះបាននិយាយថា “សមាជិកសភាពទាំងអស់បានយល់ព្រមផ្ដល់សច្ចាប័នលើច្បាប់ថ្មីនេះ ហើយអាចនឹងត្រូវបានអនុម័តនៅដើមសប្ដាហ៍ក្រោយ” ។

ចំណែកសេចក្តីព្រាងច្បាប់ពីមុនត្រូវបានកំណត់ឲ្យអនុម័តនៅឆ្នាំ ២០១៩ ប៉ុន្តែត្រូវបានពន្យារពេលវិញ បន្ទាប់ពីការតវ៉ាទូទាំងប្រទេស ដោយបានជំរុញឲ្យលោកប្រធានាធិបតី Joko Widodo ធ្វើអន្តរាគមន៍ផងដែរ ។

ឥណ្ឌូណេស៊ី ដែល​ជា​ប្រទេស​កាន់​សាសនា​ឥស្លាម​ធំ​ជាង​គេ​ក្នុង​ពិភពលោក​ត្រូវបានគេមើល​ឃើញមាន​ការ​កើន​ឡើង​នៃ​ការ​អភិរក្ស​សាសនា​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ ។

ទន្ទឹមនោះ ច្បាប់ឥស្លាមតឹងរ៉ឹងត្រូវបានអនុវត្តរួចហើយនៅក្នុងផ្នែកខ្លះនៃប្រទេស រួមទាំងខេត្ត Aceh ជាពិសេសការទទួលទានគ្រឿងស្រវឹង និងល្បែងស៊ីសងគឺត្រូវបានហាមឃាត់ជាដាច់ខាត ។ ចំណែកការវាយដំជាសាធារណៈក៏កើតឡើងជាច្រើនផងដែរ ដោយសារតែការស្រឡាញ់ភេទដូចគ្នា និងការផិតក្បត់ជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ CNN

ចុចអាន ៖ គ្រោះរញ្ជួយដីកម្រិត ៦.២រ៉ិចទ័រ វាយប្រហារកោះបាលី និងកោះជ្វា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម