Connect with us

ព័ត៌មានអន្ដរជាតិ

ចិន ប្រាប់ឲ្យ អាមេរិក យកពេលខ្វល់ពីបំណុលខ្លួនឯងជាមុនសិនទៅ

បានផុស

នៅ

បន្ទាប់ពីអាមេរិកចង់ឲ្យចិនបន្ធូបន្ថយបំណុលនៅសំប៊ី ស្រាប់តែ​ចិនចេញសារប្រាប់អាមេរិកវិញថា កុំចាំបាច់ខ្វាយខ្វល់ពីបំណុលប្រទេស​ផ្សេងអី គួរតែដោះស្រាយបញ្ហាបំណុលនៅក្នុងប្រទេសរបស់ខ្លួនជាមុនសិនទៅ ។   

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ស្ថានទូតចិននៅប្រទេសសំប៊ីបាននិយាយថា ការរួមចំណែកដ៏ធំបំផុតដែលសហរដ្ឋអាមេរិកអាចធ្វើចំពោះបញ្ហាបំណុលនៅខាងក្រៅប្រទេស គឺធ្វើសកម្មភាពលើគោលនយោបាយទទួលខុសត្រូវរូបិយវត្ថុ ដោះស្រាយបញ្ហាបំណុលរបស់ខ្លួន និងបញ្ឈប់ការបំផ្លិចបំផ្លាញកិច្ចខិតខំប្រឹងប្រែងយ៉ាងសកម្មរបស់ប្រទេសអធិបតេយ្យភាពផ្សេងទៀតក្នុងការដោះស្រាយបញ្ហាបំណុលរបស់ពួកគេ ។

ទន្ទឹមនោះ ចិនសង្ឃឹមថា លោកស្រី Janet Yellen ដែលជារដ្ឋមន្ត្រីក្រសួងរតនាគារអាមេរិក អាចគ្រប់គ្រងបញ្ហានេះបានដើម្បីការពារអាមេរិកពីការខកខានកាតព្វកិច្ចរបស់ខ្លួន និងការពារឥណទានរបស់ប្រទេស ដោយសំដៅលើវិបត្តិហិរញ្ញវត្ថុដែលកំពុងកើតឡើងនៅទីក្រុងវ៉ាស៊ីនតោន ជាហេតុធ្វើឲ្យអាមេរិកមានកំហុសឆ្គងលើបំណុលជាតិ ។

គួរបញ្ជាក់ថា មុននឹងលោកស្រី Yellen ធ្វើដំណើរទស្សនៈកិច្ចរយៈពេល១១ ថ្ងៃ​ ទៅកាន់ទ្វីបអាហ្វ្រិក លោកស្រី បានជួបពិភាក្សាជាមួយឧបនាយករដ្ឋមន្ត្រីចិន លោក Liu He នៅក្នុងប្រទេសស្វីស ទាក់ទងជាមួយនឹងបំណុលប្រទេសសំប៊ី ដែលចិន​ជាម្ចាស់ ២២ ភាគរយនៃបំណុលនោះ ៕​

ប្រែសម្រួលដោយ ៖​ នាង រតនៈ

ប្រភព ៖ Sputnik

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម