ព័ត៌មានអន្ដរជាតិ
សភារុស្ស៊ី អនុម័តច្បាប់ផ្អាកការចូលរួមក្នុងសន្ធិសញ្ញាអាវុធនុយក្លេអ៊ែរ New START ជាផ្លូវការ
សភារុស្ស៊ី បានអនុម័តជាឯកច្ឆ័ន្ទ នូវច្បាប់ផ្អាកការចូលរួមរបស់ប្រទេសនៅក្នុងសន្ធិសញ្ញាអាវុធនុយក្លេអ៊ែរ New START ជាមួយសហរដ្ឋអាមេរិក។
ការអនុម័តនេះ កើតឡើងបន្ទាប់ពីប្រធានាធិបតីរុស្ស៊ីលោក វ្ល៉ាឌីមៀរ ពូទីន បានប្រកាសការដកខ្លួនក្នុងអំឡុងពេលថ្លែងសុន្ទរកថាទៅកាន់សភា ដែលក្នុងនោះ លោកក៏បានចោទប្រកាន់ម្តងហើយម្តងទៀតដែរថា ប្រទេសលោកខាងលិចកំពុងព្យាយាមបំផ្លាញរុស្ស៊ី។
ក្រោមសន្ធិសញ្ញាដែលបានចុះហត្ថលេខាក្នុងឆ្នាំ២០១០និងត្រូវបន្តរហូតដល់ឆ្នាំ២០២៦មួយនេះ, ទីក្រុងមូស្គូនិងវ៉ាស៊ីនតោន បានប្តេជ្ញាដាក់ពង្រាយក្បាលគ្រាប់នុយក្លេអ៊ែរយុទ្ធសាស្ត្រមិនលើសពី១៥៥០គ្រាប់ ព្រមទាំងមីស៊ីលរយៈចម្ងាយឆ្ងាយអតិបរមា៧០០គ្រាប់ និងយន្តហោះទម្លាក់គ្រាប់បែកផងដែរ។
សហរដ្ឋអាមេរិក អង្គការណាតូ ក៏ដូចជាមហាអំណាចនុយក្លេអ៊ែរផ្សេងទៀតគឺ អង់គ្លេស និងបារាំង បាននាំគ្នារិះគន់ការសម្រេចចិត្តរបស់លោក ពូទីន កាលពីថ្ងៃអង្គារទី២១ខែកុម្ភៈ។
គួរបញ្ជាក់ថា ការត្រួតពិនិត្យឃ្លាំងអាវុធនុយក្លេអ៊ែរដែលត្រូវបានអនុញ្ញាតក្រោមសន្ធិសញ្ញា New START ត្រូវបានផ្អាកក្នុងខែមីនាឆ្នាំ២០២០ ដោយសារតែវិបត្តិជំងឺរាតត្បាតកូវីដ១៩ ហើយបន្ទាប់មក រុស្ស៊ីបានលុបចោលកិច្ចចរចា ស្តីពីការចាប់ផ្តើមត្រួតពិនិត្យលើគ្នាទៅវិញទៅមកកាលពីខែវិច្ឆិកាឆ្នាំមុន៕
ប្រែសម្រួល៖ Vann Vann
ប្រភព៖ RT, Reuters
ចុចអាន៖ ១១ចំណុចសំខាន់ ដែលលោក ពូទីន បង្ហាញទៅពិភពលោក ក្នុងសុន្ទរថាពិសេស
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង