អ្នកវិទ្យាសាស្ត្ររកឃើញស្រទាប់ផែនដីមានដល់ ៥ មិនមែន ៤ ទេ

តាំងពីដើមមក យើងដឹងត្រឹមថា ផែនដីគឺមានតែ ៤ ស្រទាប់ប៉ុណ្ណោះគឺ សំបក​ ស្រទាប់ ស្នូលខាងក្រៅ និងស្នូលខាងក្នុង ។ ប៉ុន្តែថ្មីៗនេះ អ្នកជំនាញរកឃើញថា​ ភពផែនដីមានដល់ ៥ ស្រទាប់ឯណោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការស្រាវជ្រាវចុងក្រោយបង្អស់ ដែលធ្វើឡើងដោយក្រុមអ្នកវិទ្យាសាស្ត្រក្នុងប្រទេសអូស្ត្រាលីបានអះអាងថា ភពផែនដីមានស្រទាប់ធំៗចំនួន ៥ មិនមែន ៤ នោះទេ ហើយស្រទាប់ទី ៥ នោះ គឺមានបាល់ដែកមួយ ដែលមានទំហំទទឹង ៦៤៤ គីឡូម៉ែត្រ ដោយស្ថិតនៅក្នុងស្នូលលោហៈរបស់ផែនដី ។

សម្រាប់ការស្រាវជ្រាវនេះដែរ លោក Thanh-Son Phạm អ្នកជំនាញផ្នែករញ្ជួយដីនៅសាកលវិទ្យាល័យជាតិអូស្ត្រាលីក្នុងរដ្ឋធានីកង់បេរ៉ា បានប្រើប្រាស់សំណុំទិន្នន័យថ្មីដែលប្រមូលបានដោយការវាស់ស្ទង់រលករញ្ជួយដី ខណៈកត្តានេះហើយទើបជួយឲ្យពួកគេរកឃើញស្នូលខាងក្នុងដ៏អាថ៌កំបាំងមួយនេះបាន ។

លោក Pham បន្តពន្យល់ពីមូលហេតុដែលស្រទាប់នេះមិនត្រូវបានគេសង្កេតឃើញពីមុនមក ដោយសារវាមានលក្ខណៈស្រដៀងទៅនឹងស្នូលខាងក្នុង ដោយសារស្រទាប់ទាំងពីរនេះផ្សំឡើងពីលោហៈធាតុដែក-នីកែល លាយជាមួយនឹងបរិមាណដាននៃធាតុផ្សេងទៀត ។

ការស្រាវជ្រាវនេះ អ្នកជំនាញបានប្រើឧបករណ៍ដែលចាប់រលករំញ័រ ដើម្បីដឹងថា ស្នូលខាងក្នុងបំផុតដែលនៅជម្រៅជាង ១,៦០០ គីឡូម៉ែត្រ ត្រូវបានកំណត់លក្ខណៈ ។

ចំពោះការរកឃើញនេះ​ លោក Pham និយាយថា វាអាចផ្តល់ឲ្យអ្នកវិទ្យាសាស្ត្រនូវការយល់ដឹងកាន់តែច្បាស់អំពីដែនម៉ាញេទិចរបស់ផែនដី ដំណើរដែលវាវិវត្តន៍ និងផ្តល់នូវការយល់ដឹងថ្មីបន្ថែមទៀតដែលអាចកើតឡើងទាក់ទងជាមួយភពផ្សេងៗទៀត ៕

ប្រែសម្រួលដោយ ៖ នាង រតនៈ

ប្រភព ៖ Sputnik

ចុចអាន ៖ ថៃ នឹងហាមឃាត់ការនាំចូលកាកសំណល់ប្លាស្ទិកគ្រប់ប្រភេទ នៅឆ្នាំ២០២៥