ព័ត៌មានអន្ដរជាតិ
បក្សកុម្មុយនិស្ត ចិន អនុម័តបញ្ជីឈ្មោះបេក្ខជនសម្រាប់កាន់មុខតំណែងសំខាន់ៗក្នុងជួររដ្ឋាភិបាល
គណបក្សកុម្មុយនិស្តចិនបានអនុម័តបញ្ជីឈ្មោះបេក្ខជនសម្រាប់មុខតំណែងសំខាន់ៗក្នុងជួររដ្ឋាភិបាល ដើម្បីត្រៀមដាក់សម្រេចនៅក្នុងសភាប្រជាជន (NPC) នាពេលខាងមុខនេះ ។
ទីភ្នាក់ងារសារព័ត៌មានរដ្ឋចិន Xinhua បាននិយាយថា បក្សកុម្មុយនិស្តចិនបានបញ្ចប់សម័យប្រជុំពេញអង្គ នៃគណៈកម្មាធិការកណ្តាលកាលពីថ្ងៃអង្គារ បន្ទាប់ពីរៀបចំឡើងរយៈពេល ៣ ថ្ងៃ ខណៈព័ត៌មានលម្អិតណាមួយមិនត្រូវបានបង្ហាញនោះទេ ប៉ុន្តែមនុស្សជំនិតៗរបស់លោកប្រធានាធិបតី Xi Jinping អាចនឹងត្រូវបានតែងតាំងឲ្យកាន់តំណែងសំខាន់ៗនៅក្នុងសភាប្រជាជនចិន ដែលចាប់ផ្តើមនៅថ្ងៃអាទិត្យ ។
ទន្ទឹមនោះ ក្រុមអ្នកសង្កេតការណ៍បាននិយាយថា សមាជិកជាច្រើននៃថ្នាក់ដឹកនាំ រួមទាំងតំណែងនាយករដ្ឋមន្ត្រីទំនងជាត្រូវបានជំនួសនៅឯកិច្ចប្រជុំនេះ បន្ទាប់ពីការចាប់ផ្តើមអាណត្តិទី ៣ ដែលមិនធ្លាប់មានពីមុនមករបស់លោក Xi ជាមេដឹកនាំបក្សកុម្មុយនិស្តកាលពីឆ្នាំមុន ។
ក្នុងនោះលោក Li Qiang អាចនឹងបន្តតំណែងជានាយករដ្ឋមន្ត្រីជំនួសលោក Li Keqiang ដោយសារតែអតីតមន្ត្រីបក្សកុម្មុយនិស្តកំពូល នៃទីក្រុងសៀងហៃរូបនេះ គឺជាសមាជិកគណៈកម្មាធិការអចិន្ត្រៃយ៍ នៃការិយាល័យនយោបាយ ហើយបច្ចុប្បន្នលោកជាប់ចំណាត់ថ្នាក់លេខ ២ ក្នុងការដឹកនាំគណបក្ស ។
ជាចុងក្រោយ អ្នកសង្កេតការណ៍ក៏និយាយដែរថា ចំណែកលោក Han Zheng ដែលជាសមាជិកគណៈកម្មាធិការអចិន្ត្រៃយ៍ នៃការិយាល័យនយោបាយ ក៏ទំនងជានឹងក្លាយជាអនុប្រធានាធិបតីថ្មីរបស់ចិនផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អ៊ុយក្រែន កំពុងតាមដានជំនួបរវាង ចិន ជាមួយសម្ព័ន្ធមិត្ត រុស្ស៊ី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី