ក្រោយពេលនិយតករធនាគារកាលីហ្វ័រញ៉ាបានប្រកាសការបិទធនាគារ Silicon Valley Bank (SVB) Financial Group កាលពីថ្ងៃសុក្រ មហាសេដ្ឋី Elon Musk បានបង្ហាញចេតនារបស់ខ្លួនក្នុងការចង់ទិញយកធនាគារនេះក្នុងដាក់ជាបុត្រសម្ព័ន្ធរបស់​ Twitter ។

ធនាគារ Silicon Valley Bank ជាស្ថាប័នផ្តល់ប្រាក់កម្ចីធំជាងគេទី១៦ នៅសហរដ្ឋអាមេរិក កាលពីចុងឆ្នាំ២០២២ ជាមួយនឹងទ្រព្យសម្បត្តិប្រហែល ២០៩ពាន់លានដុល្លារ។ ដោយសារការតំឡើងអត្រាការប្រាក់យ៉ាងខ្ពស់ពី Fed កាលពីឆ្នាំមុន វាបានធ្វើឱ្យប៉ះពាល់ដល់លក្ខខណ្ឌហិរញ្ញវត្ថុរបស់ SVB រហូតជម្រុញឱ្យធនាគារនេះប្រកាសបិទតែម្ដង។

បន្ទាប់ពីប្រកាសបិទភ្លាម នាយកក្រុមហ៊ុនបច្ចេកវិទ្យា Tesla លោក Elon Musk បានបង្ហាញចំណាប់អារម្មណ៍តាមរយៈគណនី Twitter ក្នុងការទិញយកធនាគារ SVB ដើម្បីប្រែក្លាយមកជាធនាគារឌីជីថលវិញ។ លោក Musk និយាយថា “ខ្ញុំគិតថាវាអាចទៅរួចក្នុងការក្លាយជាស្ថាប័នហិរញ្ញវត្ថុដ៏ធំបំផុតនៅក្នុងពិភពលោក ដើម្បីផ្តល់ឱ្យមនុស្សនូវជម្រើសទូទាត់ប្រាក់កាន់តែងាយស្រួល”។

ទោះយ៉ាងណា ពេលនេះមិនទាន់មានការសម្រេចផ្លូវការនោះទេ ថាតើមហាសេដ្ឋីប្រាក់ពាន់លានរូបនេះនឹងទិញ SVB ពិតឬអត់ ហើយបើទិញយក តើលោកនឹងចំណាយប្រាក់ប៉ុន្មាន៕

ប្រែសម្រួល៖ សន្យា

ប្រភព៖ Daily Mail

ចុចអាន៖ TikTok ឲ្យអ្នកប្រើប្រាស់អាយុក្រោម ១៨ ឆ្នាំ លេងត្រឹម ៦០ នាទីប៉ុណ្ណោះ