ព័ត៌មានអន្ដរជាតិ
ក្រោយ ICC ចេញដីកាចាប់ខ្លួន ស្រាប់តែលោក ពូទីន ទៅប្រជុំជាមួយមេទ័ព
ទីភ្នាក់ងារសារព័ត៌មានរបស់វិមានក្រឹមឡាំង បានរាយការណ៍នៅថ្ងៃអាទិត្យទី១៩ខែមីនាថា លោកប្រធានាធិបតី វ្ល៉ាឌីមៀរ ពូទីន បានទៅបំពេញទស្សនកិច្ចដ៏គួរឲ្យភ្ញាក់ផ្អើលនៅមជ្ឈមណ្ឌលទីបញ្ជាការនិងគ្រប់គ្រងមួយ នៅភាគខាងត្បូងប្រទេសរុស្ស៊ី ដែលជាកន្លែងទទួលបន្ទុកប្រតិបត្តិការយោធាក្នុងប្រទេសអ៊ុយក្រែន។
យោងតាមវិមានក្រឹមឡាំង, ក្នុងអំឡុងដំណើរទៅកាន់ទីបញ្ជាការនៅទីក្រុង Rostov-on-Don លោក ពូទីន បានស្តាប់បាយការណ៍ពីប្រធានអគ្គសេនាធិការរុស្ស៊ីលោក Valery Gerasimov និងមេទ័ពមួយចំនួនទៀត។
កិច្ចប្រជុំកម្រិតខ្ពស់នេះធ្វើឡើង បន្ទាប់ពីដំណើរទស្សនកិច្ចមិនប្រកាសជាមុនរបស់លោកពូទីន ទៅកាន់តំបន់គ្រីមៀ និងទីក្រុង Mariupol ក្នុងសាធារណរដ្ឋប្រជាមានិត Donetsk ដែលត្រូវបានរំដោះដោយកងកម្លាំងរុស្ស៊ីកាលពីនិទាឃរដូវមុន បន្ទាប់ពីការប្រយុទ្ធទ្រង់ទ្រាយធំអស់រយៈពេលជាច្រើនសប្តាហ៍។
កិច្ចប្រជុំជាមួយមេទ័ពនេះ ក៏កើតឡើងផងដែរ បន្ទាប់ពីតុលាការឧក្រិដ្ឋកម្មអន្តរជាតិ (ICC) ចេញដីកាចាប់ខ្លួនលោក វ្ល៉ាឌីមៀរ ពូទីន ចំពេលមានការចោទប្រកាន់ពីបទឧក្រិដ្ឋកម្មសង្រ្គាម អំឡុងការលុកលុយរបស់លោកលើប្រទេសអ៊ុយក្រែន។
លោក Karim Khan ដែលជាប្រធានរដ្ឋអាជ្ញារបស់ ICC បាននិយាយថា កុមាររាប់រយនាក់ត្រូវបាននាំយកដោយខុសច្បាប់ ចេញពីមណ្ឌលកុមារកំព្រា និងផ្ទះកុមារ ក្នុងតំបន់កាន់កាប់នៅអ៊ុយក្រែន ហើយត្រូវបានដឹកជញ្ជូនទៅកាន់ប្រទេសរុស្ស៊ី ដើម្បីប្រគល់ជូនគ្រួសារថ្មី៕
ប្រែសម្រួល៖ Vann Vann
ប្រភព៖ RT
ចុចអាន៖ លោក ពូទីន ធ្វើទស្សនកិច្ចតំបន់គ្រីមៀ ទាំងមិនប្រកាសឲ្យដឹងមុន បន្ទាប់ពី ICC ចេញដីកាចាប់ខ្លួន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ