កាលពីថ្ងៃសៅរ៍ទី១៨ខែមីនា ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានទៅដល់តំបន់គ្រីមៀ ក្នុងដំណើរបំពេញទស្សនកិច្ចដោយមិនប្រកាស ដើម្បីប្រារព្ធខួបលើកទី៩ នៃការកាត់យកឧបទ្វីបនេះ ពីអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកពូទីន ត្រូវបានស្វាគមន៍ដោយលោក Mikhail Razvozhayev ដែលជាអភិបាលក្រុង Sevastopol តែងតាំងដោយរុស្ស៊ី ហើយធ្វើដំណើរទៅមជ្ឈមណ្ឌលកុមារថ្មីនិងសាលាសិល្បៈ។

ទោះបីជាយ៉ាងណាក៏ដោយ ភ្លាមៗនេះ ប្រព័ន្ធផ្សព្វផ្សាយរដ្ឋ មិនបានផ្សាយអំពីសុន្ទរកថារបស់លោក ពូទីន ទេ ពោលគឺមួយថ្ងៃបន្ទាប់ពីតុលាការឧក្រិដ្ឋកម្មអន្តរជាតិ (ICC) បានចេញដីកាចាប់ខ្លួនគាត់ និងចោទប្រកាន់គាត់ ពីបទឧក្រិដ្ឋកម្មសង្រ្គាមនៃការនិរទេសកុមាររាប់រយនាក់ដោយខុសច្បាប់ចេញពីប្រទេសអ៊ុយក្រែន។

មកទល់ពេលនេះ លោក ពូទីន ក៏មិនទាន់ធ្វើអត្ថាធិប្បាយជាសាធារណៈលើដីកានេះដែរ ប៉ុន្តែអ្នកនាំពាក្យវិមានក្រឹមឡាំងបានចាត់ទុកដីកានេះជាមោឃៈ។

គួរបញ្ជាក់ថា រុស្ស៊ី​បាន​ដណ្តើម​យក​តំបន់​គ្រីមៀ​ក្នុង​ឆ្នាំ២០១៤, ប្រាំបី​ឆ្នាំ​មុន​ពេល​បើក​ការ​លុកលុយ​ពេញ​ទំហឹង​លើ​អ៊ុយក្រែន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Aljazeera

ចុចអាន៖ តុលាការឧក្រិដ្ឋកម្មអន្តរជាតិ ICC ចេញដីកាចាប់ខ្លួនលោក ពូទីន