ព័ត៌មានអន្ដរជាតិ
លោក Erdogan បិទទ្វារលែងជួបឯកអគ្គរដ្ឋទូត អាមេរិក ប្រចាំ តួកគី ក្រោយជួបមេបក្សប្រឆាំង
ប្រធានាធិបតីតួកគីលោក Recep Tayyip Erdogan បាននិយាយថា ចាប់ពីពេលនេះតទៅ ទ្វារសម្រាប់ឯកអគ្គរដ្ឋទូតសហរដ្ឋអាមេរិកប្រចាំនៅទីក្រុងអង់ការ៉ាគឺលោក Jeff Flake ត្រូវបានបិទហើយ ក្រោយពេលដែលអ្នកការទូតរូបនេះបានជួបលោក Kemal Kilicdaroglu ដែលជាបេក្ខជនប្រធានាធិបតីមកពីគណបក្សសាធារណរដ្ឋប្រជាជន (CHP) ដែលជាបក្សប្រឆាំងដ៏ធំរបស់តួកគី ។
លោក Erdogan បានប្រាប់កាសែត The Star ថា “តើបេសកជនរបស់លោក Joe Biden កំពុងធ្វើអ្វី? អ្នកគឺជាឯកអគ្គរដ្ឋទូត ចុះហេតុអ្វីបានជាអ្នកទៅជួបមេបក្សប្រឆាំងរបស់តួកគី សូមយកខួរក្បាលរបស់អ្នកមកគិតផង ។ តើអ្នកនឹងសុំជួបប្រធានាធិបតីយ៉ាងដូចម្ដេចទៅ បន្ទាប់ពីមានបញ្ហានេះហើយនោះ?” ។
ប្រធានាធិបតីតួកគីរូបនេះបានបញ្ជាក់ទៀតថា “យើងត្រូវបង្រៀនអាមេរិកនូវមេរៀនមួយនៅក្នុងការបោះឆ្នោតនាពេលនេះ ហើយនោះគឺការបិទទ្វារមិនទទួលជួបលោកឯកអគ្គរដ្ឋទូត Flake ទៀតនោះទេ ហើយអ្នកគួរតែដឹងពីកន្លែងដែលអ្នកត្រូវទៅហើយ” ។
គួរបញ្ជាក់ថា ការបោះឆ្នោតប្រធានាធិបតីតួកគីនឹងប្រព្រឹត្តទៅនៅថ្ងៃទី ១៤ ខែឧសភា ពោលក្នុងថ្ងៃតែមួយនឹងការបោះឆ្នោតសភា ខណៈការបោះឆ្នោតប្រធានាធិបតីលើកមុនដែលត្រូវបានរៀបចំឡើងនៅថ្ងៃទី ២៤ ខែមិថុនា ឆ្នាំ ២០១៨ លោក Erdogan ទទួលបានសំឡេងឆ្នោត ៥២.៦ ភាគរយ ៕
ប្រែសម្រួលដោយ ៖ ជីវ័ន្ត
ប្រភព ៖ TASS
ចុចអាន ៖ ប្រធានសភា អាមេរិក នឹងជួបប្រធានាធិបតី តៃវ៉ាន់ ស្របពេលលោក Trump ត្រៀមឡើងតុលាការ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង