ព័ត៌មានអន្ដរជាតិ
លោក គីម ជុងអ៊ុន ចង់កែប្រែជីវភាពរស់នៅរបស់ពលរដ្ឋ កូរ៉េខាងជើង ឲ្យទំនើប និងស៊ីវិល័យជាងមុន
មេដឹកនាំកូរ៉េខាងជើង លោក គីម ជុងអ៊ុន បានបង្ហាញគោលបំណងក្នុងការកែប្រែជីវភាពរស់នៅរបស់ពលរដ្ឋកូរ៉េខាងជើង ដែលជះឥទ្ធិពលដោយជំងឺរាតត្បាតកូវីដ ១៩ និងកត្តាផ្សេងៗទៀតជាដើម ។

ថ្លែងក្នុងពិធីអបអរសាទរការបញ្ចប់ការសាងសង់សង្កាត់លំនៅឋានថ្មីនៅកណ្ដាលទីក្រុងព្យុងយ៉ាងកាលពីអាទិត្យ, លោក គីម មានបំណងចង់ឲ្យពលរដ្ឋកូរ៉េខាងជើងរស់នៅក្នុងបរិយាកាសទំនើប និងស៊ីវិល័យជាងមុន ហើយលោកក៏នឹងអភិវឌ្ឍន៍ទីក្រុងព្យុងយ៉ាងឲ្យក្លាយទៅជារដ្ឋធានីអន្តរជាតិដ៏អស្ចារ្យផងដែរ ។
ការសាងសង់តំបន់លំនៅដ្ឋានដ៏ទំនើបនៅក្នុងទីក្រុងព្យុងយ៉ាង គឺជាផ្នែកមួយនៃផែនការដ៏យូរអង្វែងរបស់លោក គីម ក្នុងការផ្តល់ឲ្យប្រជាជនកូរ៉េខាងជើង នូវជីវភាពរស់នៅប្រកបដោយស្ថិរភាព និងស៊ីវិល័យ ។

ទន្ទឹមនោះ កាសែត Rodong Sinmun របស់គណបក្សកាន់អំណាចកូរ៉េខាងជើងក៏បានចុះផ្សាយពីរូបថតបង្ហាញពីលោក គីម ចូលរួមក្នុងពិធីកាត់ខ្សែបូ អមដោយពលរដ្ឋនៅតាមដងផ្លូវ ជាមួយនឹងព្រឹត្តិការណ៍បាញ់កាំជ្រួចបំភ្លឺផ្ទៃមេឃនៅពេលយប់ផងដែរ ។
កាសែត Rodong Sinmun បានចុះផ្សាយទៀតថា សង្កាត់ថ្មីដែលចាប់ផ្ដើមការសាងសង់កាលពីខែកុម្ភៈឆ្នាំមុន រួមបញ្ចូលទាំងកន្លែងសាធារណៈ និងអគារផ្ទះល្វែងខ្ពស់ៗ មានសមត្ថភាពអាចផ្ទុកមនុស្សបានសរុបចំនួន ១ ម៉ឺនគ្រួសារ ។
គួរបញ្ជាក់ថា ព្រឹត្តិការណ៍នេះបានកើតឡើង នៅពេលដែលប្រទេសកូរ៉េខាងជើងបានប្រារព្ធខួបលើកទី ១១១ នៃខួបកំណើតរបស់ស្ថាបនិកប្រទេសលោក គីម អ៊ីលសុង កាលពីថ្ងៃសៅរ៍ ហើយក៏ជាព្រឹត្តិការណ៍ដែលពលរដ្ឋកូរ៉េខាងជើងចាត់ទុកជាថ្ងៃបុណ្យជាតិដ៏សំខាន់បំផុតមួយរបស់ប្រទេសផងដែរ ៕

ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ដឹងហើយ រយៈចម្ងាយហោះហើររបស់មីស៊ីលដែល កូរ៉េខាងជើង បាញ់ព្រឹកមិញ

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១២ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ