លោក ប្រាយុទ្ធ បញ្ជាឲ្យក្រសួងថាមពល ថៃ ពិនិត្យមើលការឡើងថ្លៃអគ្គិសនី​ខ្ពស់ខុសធម្មតា

នាយករដ្ឋមន្រ្តីថៃលោក ប្រាយុទ្ធ ចាន់អូចា បានបញ្ជាឲ្យក្រសួងថាមពល ធ្វើការឆ្លើយតបជាបន្ទាន់ចំពោះការត្អូញត្អែររបស់សាធារណជន អំពីការឡើងថ្លៃអគ្គិសនីខ្ពស់ខុសពីធម្មតា ។

ក្រសួងថាមពលត្រូវបានលោកនាយករដ្ឋមន្ត្រី ប្រាយុទ្ធ ចាន់អូចា ណែនាំឲ្យឆ្លើយតបជាបន្ទាន់ចំពោះការផ្ទុះកំហឹងរបស់សាធារណជនជុំវិញការឡើងថ្លៃអគ្គិសនីខ្ពស់ខុសប្រក្រតីបែបនេះ ។

ទន្ទឹមនឹងនោះ រដ្ឋាភិបាលក៏បាននិយាយផងដែរថា នឹងរង់ចាំកិច្ចប្រជុំពិសេសមួយជាមួយគណៈកម្មការគ្រប់គ្រងថាមពល មុននឹងអនុម័តការកាត់បន្ថយតម្លៃអគ្គិសនីពីខែឧសភាដល់ខែសីហា ។

យោងតាមគណៈកម្មការគ្រប់គ្រងអគ្គិសនីថៃ (ERC) បានឲ្យដឹងថា គិតចាប់ពីខែមករា​ដល់ខែមេសា ឆ្នាំ២០២៣ នេះ អគ្គិសនីថៃគឺមានតម្លៃ ០.១៥ ដុល្លារ (៦០០ រៀល) ក្នុងមួយគីឡូវ៉ាត់ ដោយសារតែការឡើងថ្លៃប្រេងឥន្ធនៈ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ តំបន់ អាស៊ី អាចបន្តមើលឃើញ “សូរ្យគ្រាស” មួយផ្នែកទៀតនៅប៉ុន្មានខែ​ខាងមុខ