ព័ត៌មានអន្ដរជាតិ

រកឃើញម្ចាស់បំណុលកើនឡើងដល់ ២០ នាក់ ពាក់ព័ន្ធករណីបំណុលសម្លាប់នៅ ថៃ

បានផុស

៣ years មុន

នៅ

ថ្ងៃអាទិត្យ ៣០ មេសា ២០២៣

ដោយ

ប្រភពពីប៉ូលិសបាននិយាយកាលពីថ្ងៃសៅរ៍ថា ជនសង្ស័យពាក់ព័ន្ធបំពុលសម្លាប់ រហូតមកដល់ពេលនេះមានមនុស្សដល់ទៅ ២០ នាក់ហើយដែលបានផ្ទេរសាច់ប្រាក់ទៅក្នុងគណនីធនាគាររបស់នាង មុនពេលស្លាប់ក្រោមកាលៈទេសៈគួរឲ្យសង្ស័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពស្និទ្ធនឹងការស៊ើបអង្កេតបាននិយាយថា រហូតមកដល់ពេលនេះ ក្រុមប៉ូលិសបានពិនិត្យលើឯកសារធនាគាររបស់ជនសង្ស័យឈ្មោះ Sararat ឬ Am ក្នុងរយៈពេល ៣ ឆ្នាំកន្លងមកនេះ ដោយរកឃើញលុយចំនួនប្រាំ និងប្រាំមួយខ្ទង់ត្រូវបានផ្ទេរទៅក្នុងគណនីធនាគាររបស់ជនសង្ស័យ។

ប្រភពដដែលបន្តថា អ្វីដែលទាក់ទាញការចាប់អារម្មណ៍ពិសេសពីអ្នកស៊ើបអង្កេតគឺការពិតដែលមនុស្ស២០នាក់បានស្លាប់ភ្លាមៗ បន្ទាប់ពីផ្ទេរប្រាក់ទៅឲ្យជនសង្ស័យក្នុងរយៈពេល៣ឆ្នាំ។

មុននេះ ប៉ូលីសស៊ើបអង្កេតបានចងក្រងបញ្ជីឈ្មោះមនុស្ស ១៩ នាក់ដែលពួកគេសង្ស័យថា អាចត្រូវគេបំពុលដោយសារធាតុ Cyanide ដោយជនសង្ស័យ ១៨នាក់ក្នុងចំណោមពួកគេបានស្លាប់ក្រោមកាលៈទេសៈគួរឲ្យសង្ស័យ ខណៈម្នាក់បានរួចរស់ជីវិតពីការពុលដោយសារធាតុពុលដ៍សាហាវ។

ប្រភពដដែលបានបន្តថា ការស៊ើបអង្កេតបានរកឃើញថា ជនសង្ស័យប៉ុនប៉ងបំផ្លាញភស្តុតាង ដែលអាចភ្ជាប់នាងទៅនឹងការស្លាប់របស់មនុស្សដែលនាងបានខ្ចីលុយពីប្រភពនេះ ដោយមិនបានបញ្ជាក់លម្អិត។

សូមបញ្ចាក់ដែរថា ជនសង្ស័យត្រូវបានចាប់ខ្លួនកាលពីថ្ងៃអង្គារពីបទឃាតកម្មគិតទុកជាមុនលើមិត្តរបស់នាងឈ្មោះ Siriporn Khanwong អាយុ ៣៣ ឆ្នាំ ដោយការធ្វើកោសល្យវិច័យបានរកឃើញថាអ្នកស្លាប់មានសារធាតុ Cyanide នៅក្នុងឈាមរបស់នាង។ នាងកំពុងត្រូវឃុំខ្លួនបណ្តោះអាសន្ន ឬប្រឈមមុខនឹងការកាត់ទោសប្រហារជីវិត ប្រសិនបើរកឃើញថាមានពិរុទ្ធករណីតែមួយនៃឃាតកម្មគិតទុកជាមុន៕