Connect with us

ព័ត៌មានអន្ដរជាតិ

អ៊ុយក្រែន ថា ផែនការវាយលុកលើ រុស្ស៊ី មិនទាន់ចេញជាផ្លែផ្កានៅឡើយទេ

បានផុស

នៅ

រដ្ឋលេខាធិការក្រុមប្រឹក្សាសន្តិសុខ និងការពារជាតិអ៊ុយក្រែន លោក Oleksiy Danilov បានបង្ហាញថា ផែនការសម្រាប់ការវាយលុកតាមការរំពឹងទុករបស់ប្រទេសប្រឆាំងនឹងរុស្ស៊ី មិនទាន់ត្រូវបានអនុម័តចេញជាផ្លែផ្កានៅឡើយទេ ។

លោក Oleksiy Danilov
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅ​ក្នុង​បទ​សម្ភាស​ជាមួយ​ទូរទស្សន៍​សាធារណៈ​មួយ​កាលពី​ថ្ងៃ​ពុធ, លោក Danilov ​បាន​និយាយ​ថា “មិន​មាន​អ្នក​ណា​ដឹង​ច្បាស់​ពី​គម្រោង​ទាំង​អស់​របស់​យើងនោះ​ទេ ព្រោះ​ផែន​ការ​មិន​ទាន់​បាន​សម្រេច​ចេញនៅ​ឡើយ​ ដោយសារត្រូវឆ្លងកាត់ការអនុម័តពីលោកប្រធានាធីបតី Volodymyr Zelensky” ។

លោក Danilov បានសង្កត់ធ្ងន់ថា លោកប្រធានាធិបតី Zelensky ដែលជាអគ្គមេបញ្ជាការនៃកងកម្លាំងប្រដាប់អាវុធអ៊ុយក្រែន គឺជាអ្នកដែលនឹងធ្វើការសម្រេចចិត្តចុងក្រោយលើពេលវេលា និងទិសដៅនៃការវាយលុកទាំងអស់ប្រឆាំងនឹងរុស្ស៊ី ។

បច្ចុប្បន្នការរំពឹងទុកសម្រាប់ការវាយលុករបស់អ៊ុយក្រែនទៅលើកងកម្លាំងរុស្ស៊ី កំពុងមានសន្ទុះកើនឡើងទាំងនៅក្នុងប្រទេស និងកន្លែងផ្សេងទៀត ។ ប៉ុន្តែ​ទោះជាយ៉ាងណា រដ្ឋាភិបាល​អ៊ុយក្រែន និង​កងកម្លាំង​របស់​ខ្លួន ​ក៏​កំពុង​រៀបចំជើងព្រួល​យ៉ាង​ប្រុង​ប្រយ័ត្ន​ដើម្បី​ធានា​បាន​លទ្ធផល​ជោគជ័យ ។

កន្លងមកកងកម្លាំងអ៊ុយក្រែនត្រូវបានគេដឹងថា នឹងចាប់ផ្តើមការវាយលុកនៅដើមខែនេះ ខណៈរដ្ឋមន្ត្រីការពារជាតិអ៊ុយក្រែនលោក Oleksii Reznikov បាននិយាយកាលពីចុងខែមុនថា “យើងនឹងបើកការវាយលុយឲ្យបានឆាប់តាមដែលអាចធ្វើទៅបាន ជាពិសេសយើងនឹងធ្វើតាមឆន្ទៈរបស់ព្រះ អាកាសធាតុ និងការសម្រេចចិត្តរបស់មេបញ្ជាការយើង” ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រុស្ស៊ី និងអ៊ុយក្រែន ប្រារព្ធទិវាជ័យជម្នះក្នុងស្ថានភាពខុសពីអតីតកាល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម