ព័ត៌មានអន្ដរជាតិ
រុស្ស៊ី-អ៊ុយក្រែន តតាំងគ្នានៅតុលាការ ICJ ជុំវិញការបាញ់ទម្លាក់យន្តហោះម៉ាឡេស៊ី MH17
អ៊ុយក្រែន និងរុស្ស៊ីបានប្រឈមមុខដាក់គ្នានៅតុលាការយុត្តិធម៌អន្តរជាតិ (ICJ) ជុំវិញការគាំទ្រឲ្យមានការបះបោររបស់កងកម្លាំងរុស្ស៊ីនៅអ៊ុយក្រែន និងអំពើហិង្សាប្រដាប់អាវុធផ្សេងទៀត ដែលរាប់បញ្ចូលទាំងការបាញ់ទម្លាក់យន្តហោះម៉ាឡេស៊ី MH17 កាលពីឆ្នាំ ២០១៤ ដែលបានសម្លាប់អ្នកដំណើរ និងនាវិកទាំងអស់ចំនួន ២៩៨ នាក់ ។
ចៅក្រមនៅតុលាការ ICJ ក្នុងទីក្រុងឡាអេកាលពីថ្ងៃអង្គារ បានស្តាប់ការអះអាងរបស់អ៊ុយក្រែនថា ទីក្រុងមូស្គូបានរំលោភលើសន្ធិសញ្ញាប្រឆាំងអំពើភេរវកម្មរបស់អង្គការសហប្រជាជាតិ ដោយបំពាក់ និងផ្តល់មូលនិធិដល់ពួកបំបែកខ្លួនដែលគាំទ្ររុស្ស៊ី ឲ្យប្រើកាំជ្រួចមីស៊ីលបាញ់ទម្លាក់យន្តហោះម៉ាឡេស៊ី ដែលហោះឆ្លងកាត់ភាគខាងកើតអ៊ុយក្រែន ខណៈរហូតមកដល់ពេលវាមានរយៈពេលជិត ១០ ឆ្នាំទៅហើយ ។
ពាក់ព័ន្ធនឹងបញ្ហានេះដែរ ICJ បាននិយាយនៅក្នុងសេចក្តីថ្លែងការណ៍មួយថា មេធាវីខាងអ៊ុយក្រែនបានថ្លែងរបាយការណ៍រួចហើយកាលពីថ្ងៃអង្គារ ខណៈភាគីរុស្ស៊ីរំពឹងនឹងថ្លែងទៅកាន់តុលាការ ICJ នៅថ្ងៃព្រហស្បតិ៍ ហើយបន្ទាប់មកអ៊ុយក្រែននឹងឆ្លើយតបបន្ថែមទៀតនៅថ្ងៃទី១២ ខែមិថុនា ឯរុស្ស៊ីគឺនៅថ្ងៃទី១៤ ខែមិថុនា ។
ក្នុងសវនាការនោះរដ្ឋាភិបាលទីក្រុងកៀវបានចោទប្រកាន់រុស្ស៊ីថា បានផ្ដល់អាវុធ និងផ្ដល់ប្រាក់ឧបត្ថម្ភដល់កងកម្លាំងគាំទ្រទីក្រុងមូស្គូនៅតំបន់ Donbas របស់អ៊ុយក្រែន ដែលជាការរំលោភលើអនុសញ្ញាអន្តរជាតិ សម្រាប់ការបង្ក្រាបការផ្តល់ហិរញ្ញប្បទាននៃអំពើភេរវកម្ម ដែលបានអនុម័តដោយអង្គការសហប្រជាជាតិ ។
ក្នុងរយៈពេល ៨ ឆ្នាំមកនេះ អ៊ុយក្រែននៅតែស្វែងរកការបំភ្លឺក្នុងការប្រយុទ្ធគ្នាដែលផ្ទុះឡើងកាលពីឆ្នាំ ២០១៤ និងនាំឲ្យមនុស្សប្រហែល ១៣,០០០ នាក់ត្រូវបានសម្លាប់ ជាពិសេសរដ្ឋាភិបាលទីក្រុងកៀវ ក៏កំពុងរកយុត្តិធម៌ពាក់ព័ន្ធនឹងសង្គ្រាមលុកលុយរបស់រុស្ស៊ីមកលើអ៊ុយក្រែនកាលពីខែកុម្ភៈ ឆ្នាំ ២០២២ ផងដែរ ។
គួរបញ្ជាក់ថា សវនាការកាលពីថ្ងៃអង្គារបានក្លាយជាអង្គជំនុំជម្រះលើកទីមួយ ដែលមេធាវីសម្រាប់អ៊ុយក្រែន និងរុស្ស៊ីជួបគ្នានៅតុលាការ ICJ ដែលជាស្ថាប័នតុលាការកំពូលរបស់អង្គការសហប្រជាជាតិ ចាប់តាំងពីរុស្ស៊ីបើកការវាយលុកលើទីក្រុងកៀវ ខណៈទីក្រុងមូស្គូក៏បានព្យាយាមបដិសេធសំណុំរឿងរបស់ ICJ នេះផងដែរ ដោយលើកហេតុផលថា តុលាការនេះមិនមានយុត្តាធិការនោះទេ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ លោក Macron ព្រមានហានិភ័យ បើណាតូ ហ៊ានបើកការិយាល័យនៅ ជប៉ុន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង