លោក Macron ព្រមានហានិភ័យ បើណាតូ ហ៊ានបើកការិយាល័យនៅ ជប៉ុន

ប្រធានាធិបតីបារាំងលោក Emmanuel Macron បានចេញការព្រមានខ្លាំងៗពាក់ព័ន្ធទៅនឹងគោលបំណងបើកការិយាល័យទំនាក់ទំនងរបស់អង្គការណាតូនៅក្នុងប្រទេសជប៉ុននៅឆ្នាំក្រោយនេះ ។

លោក Macron បានព្រមានថា ការបង្កើតឲ្យមានការិយាល័យទំនាក់ទំនងរបស់អង្គការណាតូនៅក្នុងប្រទេសជប៉ុន អាចនឹងធ្វើឲ្យប៉ះពាល់ភាពជឿជាក់របស់អឺរ៉ុបជាមួយនឹងប្រទេសចិន ចំពេលមានកិច្ចខិតខំប្រឹងប្រែងដើម្បីជំរុញឲ្យមានជម្លោះរវាងទីក្រុងប៉េកាំង និងទីក្រុងមូស្គូ ។

បើយោងតាមរបាយការណ៍របស់សហរដ្ឋអាមេរិកបានឲ្យដឹងថា ប្រទេសបារាំងមានការស្ទាក់ស្ទើរក្នុងការអនុម័តផែនការសម្រាប់អង្គការសន្ធិសញ្ញាអាត្លង់ទិកខាងជើងមួយនេះ សម្រាប់ការបើកការិយាល័យនៅទីក្រុងតូក្យូប្រទេសជប៉ុននៅឆ្នាំក្រោយ ជាពិសេសគឺការប្រឈមជាមួយនឹងប្រទេសចិនតែម្ដង ។

ទន្ទឹមនោះ មេដឹកនាំ​បារាំង​រូបនេះបានអះអាងទៀតថា ប្រសិនបើណាតូបើកការិយាល័យនៅជប៉ុនមែននោះ លោកប្រាកដជាមាន​ភាព​ធុញទ្រាន់​ នៅពេលដែលជិះ​យន្តហោះ​បណ្ដើរ ហើយគិតជាមួយ​នឹង​ផែនការ​ណា​មួយ​ដែល​ ​រួម​ចំណែក​ដល់​ភាព​តានតឹង​របស់​ណាតូ និង​ចិន ។

កាលពីដើមឆ្នាំនេះ សហភាពអឺរ៉ុបបានចោទប្រកាន់ប្រទេសចិនពីការផ្តល់ជំនួយដ៍សាហាវដល់ទីក្រុងមូស្គូ ចំពេលមានការវាយលុកលើអ៊ុយក្រែន ។ ទោះជាយ៉ាងណា ទីក្រុងប៉េកាំងបានគូសបញ្ជាក់តបវិញថា មានតែសហរដ្ឋអាមេរិកទេដែលធ្វើបែបនេះ ពោលមិនមែនចិនឡើយ ដែលដឹកជញ្ជូនអាវុធគ្មានទីបញ្ចប់ទៅកាន់សមរភូមិប្រយុទ្ធនៅអ៊ុយក្រែននោះ” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik