ព័ត៌មានអន្ដរជាតិ
រុស្ស៊ី ថា តាមពិត អ៊ុយក្រែន សុំចរចាបញ្ចប់សង្គ្រាមហើយ ប៉ុន្តែបងធំ អាមេរិក បញ្ជាឲ្យដកខ្លួនវិញ
លេខាធិការនៃក្រុមប្រឹក្សាសន្តិសុខរុស្ស៊ីលោក Nikolay Patrushev បាននិយាយកាលពីថ្ងៃព្រហស្បតិ៍ថា ថ្នាក់ដឹកនាំអ៊ុយក្រែនបានត្រៀមខ្លួនរួចជាស្រេចទៅហើយ ដើម្បីដោះស្រាយជម្លោះជាមួយរុស្ស៊ី ប៉ុន្តែពួកគេបានដកខ្លួនចេញវិញ ដោយសារតែបញ្ជាពីបងធំសហរដ្ឋអាមេរិក ។
លោក Patrushev បាននិយាយថា “ប្រសិនបើមិនមានសម្ពាធ ឬបញ្ជាពីសំណាក់សហរដ្ឋអាមេរិកទៅកាន់ប្រមុខដឹកនាំរបស់អ៊ុយក្រែនទេនោះ ស្ថានភាពបែបនេះនឹងមិនកើតមានឡើងឡើយ ព្រោះថា រដ្ឋាភិបាលទីក្រុងកៀវបានត្រៀមខ្លួនរួចទៅហើយក្នុងការចុះហត្ថលេខាលើសន្ធិសញ្ញាសន្តិភាព ជាពិសេសក៏បានផ្តល់សំណើជាលាយលក្ខណ៍អក្សរមកឲ្យរុស្ស៊ីផងដែរ” ។
លោករដ្ឋមន្ត្រីបានលើកឡើងថា “នៅពេលព្រឹកសមាជិកនៃគណៈប្រតិភូអ៊ុយក្រែនបានផ្តល់សំណើដល់ពួកយើង ដើម្បីសុំធ្វើការចរចា ប៉ុន្តែមកដល់ពេលល្ងាច ពួកគេបែរជាប្រែក្រឡាស់វិញថា ពួកគេសុំដកខ្លួនចេញពីកិច្ចចរចារកសន្តិភាព ហើយរឿងនេះកើតឡើង ដោយសារតែសហរដ្ឋអាមេរិកបានដាក់សម្ពាធលើអ៊ុយក្រែន និងថែមទាំងប្រាប់ពួកគេទៀតថា មិនត្រូវមានការចរចាណាមួយជាមួយរុស្ស៊ីដាចខាត” ។
ទន្ទឹមនោះលោក Patrushev បានចង្អុលបង្ហាញទៀតថា អ្នកដែលដាក់សម្ពាធ និងបញ្ជាអ៊ុយក្រែនកុំឲ្យចរចាជាមួយរុស្ស៊ីដើម្បីបញ្ចប់ជម្លោះនេះដែរ មិនមែនមានត្រឹមតែសហរដ្ឋអាមេរិកនោះទេ ពោលនៅមានបងធំមួយទៀតគឺ ចក្រភពអង់គ្លេស ។
គួរបញ្ជាក់ថា កន្លងមករុស្ស៊ី និងអ៊ុយក្រែនក៏ធ្លាប់មានកិច្ចចរចាប៉ុន្មានលើកផងដែរ បន្ទាប់ពីរុស្ស៊ីបានចាប់ផ្តើមប្រតិបត្តិការសឹករបស់ខ្លួននៅអ៊ុយក្រែន ដោយលើកដំបូងធ្វើឡើងនៅប្រទេសបេឡារុស កាលពីដើមខែមីនា ឆ្នាំ២០២២ ខណៈការចរចាថ្មីមួយទៀតបានធ្វើឡើងនៅទីក្រុងអ៊ីស្តង់ប៊ុលប្រទេសតួកគីនៅថ្ងៃទី២៩ ខែមីនា ឆ្នាំ២០២២ ប៉ុន្តែកិច្ចចរចាទាំងនោះ សុទ្ធតែមិនមានលទ្ធផលផ្លែផ្កាណាមួយឡើយ ៕
ប្រែសម្រួលដោយ ៖ ជីវ័ន្ត
ប្រភព ៖ TASS
ចុចអាន ៖ លោក ហ្សេលេនស្គី ៖ តាមពិតទៅ រុស្ស៊ី ដឹងខ្លួនហើយថានឹងចាញ់សង្គ្រាម អ៊ុយក្រែន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ