ព័ត៌មានអន្ដរជាតិ
មេទាហានស៊ីឈ្នួល បង្ហាញវត្តមានយ៉ាងភ្ញាក់ផ្អើល ក្នុងកិច្ចប្រជុំកំពូល រុស្ស៊ី-អាហ្វ្រិក
មេក្រុមហ៊ុនទាហានស៊ីឈ្នួល Wagner លោក Yevgeny Prigozhin បានបង្ហាញខ្លួនដ៏គួរឲ្យភ្ញាក់ផ្អើល ក្នុងកិច្ចប្រជុំកំពូលរុស្ស៊ី-អាហ្វ្រិក នៅទីក្រុង St. Petersburg កាលពីថ្ងៃព្រហស្បតិ៍ទី២៧ខែកក្កដា ពោលគឺត្រឹមតែប៉ុន្មានសប្តាហ៍ប៉ុណ្ណោះ បន្ទាប់ពីក្រុមទាហានស៊ីឈ្នួលរបស់គាត់ ចេញបះបោរប្រឆាំងនឹងក្រសួងការពារជាតិរុស្ស៊ី។
លោក Prigozhin អាយុ៦២ឆ្នាំ ត្រូវបានថតជាប់នៅជាមួយបុរសម្នាក់ ដែលគេជឿថាជាសមាជិកនៃគណៈប្រតិភូសាធារណរដ្ឋអាហ្រ្វិកកណ្តាល ដឹកនាំកិច្ចប្រជុំកំពូលដែលមេដឹកនាំអាហ្វ្រិកមួយចំនួន ត្រូវជួបជាមួយប្រធានាធិបតីរុស្ស៊ីលោក វ្ល៉ាឌីមៀរ ពូទីន។
មេទាហានស៊ីឈ្នួល ត្រូវបានគេឃើញញញឹមនិងចាប់ដៃជាមួយអ្នកការទូតនៅជិតជណ្តើរដ៏ប្រណីតមួយ ក្នុងរូបភាពដែលគេចែកចាយតាមកម្មវិធី Telegram។
រឿងនេះ ធ្វើឲ្យគេមើលឃើញថា លោក Prigozhin ពិតជារួចផុតពីការដាក់ទណ្ឌកម្ម បន្ទាប់ពីការបះបោរកាលពីខែមុន ដែលទាហានស៊ីឈ្នួលរបស់គាត់ បានដណ្តើមយកទីក្រុងមួយនៅភាគខាងត្បូងប្រទេសរុស្ស៊ី ហើយនាំទ័ពឆ្ពោះទៅទីក្រុងមូស្គូ មុនពេលដកថយវិញនៅនាទីចុងក្រោយ ក្រោមកិច្ចព្រមព្រៀងមួយដែលសម្របសម្រួលដោយប្រធានាធិបតីបេឡារុសលោក Alexander Lukashenko។
ទន្ទឹមនោះ វត្តមានរបស់លោក Prigozhin នៅក្នុងកិច្ចប្រជុំកំពូលនេះ និងកិច្ចប្រជុំរបស់គាត់ជាមួយប្រតិភូមកពីសាធារណរដ្ឋអាហ្វ្រិកកណ្តាល ក៏ត្រូវបានគេមើលឃើញផងដែរថា ជាហេតុផលច្បាស់ៗអំពីប្រតិបត្តិការដ៏ទូលំទូលាយរបស់ក្រុម Wagner នៅក្នុងប្រទេសអាហ្វ្រិកជាច្រើនរួមមាន សាធារណរដ្ឋអាហ្វ្រិកកណ្តាល លីប៊ី ម៉ាលី ស៊ូដង់ ម៉ូសំប៊ិក និងប៊ូគីណាហ្វាសូ។
ពាក់ព័ន្ធនឹងបញ្ហានេះ អ្នកវិភាគបរទេសមួយចំនួនក៏បានដាក់ការសង្ស័យផងដែរថា ក្រុមទាហាន Wagner គឺជាអ្នកនៅពីក្រោយរដ្ឋប្រហារនាពេលថ្មីៗ ក្នុងប្រទេសនីហ្សេរ ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ មេទាហានស៊ីឈ្នួល រុស្ស៊ី ចេញមុខបកស្រាយរឿងចោទធ្វើរដ្ឋប្រហារ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង