ព័ត៌មានអន្ដរជាតិ
ឥណ្ឌា ហាមឃាត់ក្រុមហ៊ុនមួយទៀត ដែលផលិតស៊ីរ៉ូប៍ក្អក ផ្ទុកសារធាតុពុល បណ្តាលឲ្យកុមារស្លាប់
រដ្ឋាភិបាលឥណ្ឌា បានបញ្ជាឲ្យក្រុមហ៊ុនឱសថ Riemann Labs បញ្ឈប់ប្រតិបត្តិការ បន្ទាប់ពីមានការចោទប្រកាន់ថា ស៊ីរ៉ូប៍ក្អកដែលខ្លួនផលិត បានបណ្តាលឲ្យកុមារចំនួន៥នាក់ ស្លាប់នៅក្នុងប្រទេសប្រទេសកាមេរូន កាលពីខែមីនា។
ចំណាត់ការនេះកើតឡើង ចំពេលទីក្រុងញូវដែលី បង្រ្កាបលើក្រុមហ៊ុនផលិតឱសថនានា ដែលបាននាំថ្នាំចេញទៅក្រៅប្រទេស ហើយថ្នាំទាំងនោះជាប់ទាក់ទងទៅនឹងការស្លាប់មនុស្សរាប់សិបនាក់ នៅទូទាំងប្រទេសជាច្រើនក្នុងតំបន់អាហ្វ្រិក និងអាស៊ីកណ្តាល។
អនុរដ្ឋមន្ត្រីក្រសួងសុខាភិបាល និងសុខុមាលភាពគ្រួសារ លោកស្រី Bharati Pravin Pawar បានប្រាប់សភាថា ក្រុមហ៊ុន Riemann ដែលធ្វើប្រតិបត្តិការចេញពីទីក្រុង Indore ក្នុងរដ្ឋ Madhya Pradesh ភាគកណ្តាលប្រទេសឥណ្ឌា ត្រូវបានហាមឃាត់មិនឲ្យផលិតថ្នាំ បន្ទាប់ពីការត្រួតពិនិត្យដោយនិយតករឱសថរបស់រដ្ឋនិងសហព័ន្ធ។
ទោះបីជាយ៉ាងណាក៏ដោយ លោកស្រីមិនបានបញ្ជាក់ទេថាតើ អាជ្ញាប័ណ្ណរបស់ក្រុមហ៊ុនផលិតឱសថមួយនេះ ត្រូវបានព្យួរដែរឬក៏អត់។
ចំណាត់ការរបស់រដ្ឋាភិបាល បានកើតឡើងខណៈអង្គការសុខភាពពិភពលោក (WHO) បានលាតត្រដាងកាលពីខែមិថុនាថា ស៊ីរ៉ូប៍ក្អកដែលលក់នៅប្រទេសកាមេរូន ក្រោមម៉ាកយីហោ Naturcold មានផ្ទុកសារធាតុពុលកម្រិតខ្ពស់បំផុត។
មុននេះដែរ អាជ្ញាប័ណ្ណរបស់ក្រុមហ៊ុនផលិតថ្នាំក្អកចំនួនបីគឺ Maiden Pharmaceuticals Ltd, Marion Biotech និង QP Pharmachem ត្រូវបានផ្អាក ហើយការនាំចេញរបស់ពួកគេ សុទ្ធតែត្រូវបញ្ឈប់ បន្ទាប់ពីមានរបាយការណ៍ជាប់ទាក់ទងនឹងការស្លាប់របស់កុមារយ៉ាងតិច៧០នាក់នៅក្នុងប្រទេសហ្គាំប៊ី និង១៩នាក់នៅអ៊ូសបេគីស្ថានកាលពីឆ្នាំមុន ថ្វីបើក្រុមហ៊ុនបានបដិសេធការចោទប្រកាន់នេះ ក៏ដោយ៕
ប្រែសម្រួល៖ Vann Vann
ប្រភព៖ RT
ចុចអាន៖ ឥណ្ឌា ថា កម្ពុជា បាននាំចូលស៊ីរ៉ូប៍ក្អកផ្ទុកសារធាតុគ្រោះថ្នាក់ដល់ជីវិត ជិត ២ម៉ឺនដប
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង