ព័ត៌មានអន្ដរជាតិ
អតីតជំនួយការសេតវិមាន ៖ លោក Trump នឹងដក អាមេរិក ចេញពីអង្គការ ណាតូ បើឈ្នះឆ្នោត
អតីតជំនួយការរបស់សេតវិមាន លោក John Bolton បានអះអាងថា អតីតប្រធានាធិបតីអាមេរិក លោក Donald Trump ទំនងជានឹងដកប្រទេសមហាអំណាចយោធាដ៏ធំបំផុតរបស់ពិភពលោកមួយនេះ ចេញពីអង្គការណាតូ ប្រសិនបើគាត់ឈ្នះការបោះឆ្នោតឆ្នាំ ២០២៤ ។
លោក Bolton ដែលក៏ធ្លាប់ជាអតីតទីប្រឹក្សាសន្តិសុខជាតិរបស់សហរដ្ឋអាមេរិកផងដែរនោះ បាននិយាយនៅក្នុងបទសម្ភាសន៍ជាមួយប្រព័ន្ធផ្សព្វផ្សាយអាមេរិក NewsNation កាលពីពេលថ្មីៗនេះថា “នៅក្នុងអាណត្តិទី ២ របស់លោក Trump ក្រោយពេលឈ្នះការបោះឆ្នោត យើងប្រាកដជានឹងឃើញអាមេរិកដើរចេញពីអង្គការណាតូ” ។
អតីតទីប្រឹក្សាវ័យ ៧៤ ឆ្នាំរូបនេះបានអះអាងទៀតថា “លោក Trump មានវិធីសាស្រ្តខុសប្រក្រតី និងមិនមានប្រសិទ្ធភាពនោះទេចំពោះសន្តិសុខជាតិ ហើយអតីតប្រធានាធិបតីរូបនេះ ពិតជាមិនមានទស្សនវិជ្ជាដូចដែលយើងយល់នៅក្នុងន័យនយោបាយនោះឡើយ” ។
លោក Bolton បញ្ជាក់បន្ថែមថា “លោក Trump មិនគិតក្នុងទិសដៅគោលនយោបាយសន្តិសុខជាតិនោះទេ នៅពេលដែលគាត់ធ្វើការសម្រេចចិត្តធ្វើអ្វីមួយ ហើយគាត់គិតតែពីអ្វីដែលផ្តល់ប្រយោជន៍ដល់ខ្លួនឯងប៉ុណ្ណោះ” ។
គួរបញ្ជាក់ថា លោក Biden បានដឹកនាំអង្គការណាតូ និងសម្ព័ន្ធមិត្តផ្សេងទៀតរបស់សហរដ្ឋអាមេរិក ក្នុងការដាក់ទណ្ឌកម្មលើប្រទេសរុស្ស៊ី ជុំវិញជម្លោះនៅអ៊ុយក្រែន ជាពិសេសបានផ្គត់ផ្គង់អាវុធក្នុងតម្លៃរាប់ពាន់លានដុល្លារដល់ទីក្រុងកៀវ ប៉ុន្តែទោះជាយ៉ាងណា លោក Trump បានអះអាងថា ប្រសិនបើលោកជាប់ឆ្នោតម្តងទៀត លោកនឹងបញ្ចប់ការបង្ហូរឈាមដ៏ឃោរឃៅនេះក្នុងរយៈពេលតែ ២៤ ម៉ោងប៉ុណ្ណោះ ដោយបង្ខំមេដឹកនាំរុស្ស៊ី និងអ៊ុយក្រែនទៅកាន់តុចរចា ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ រុស្ស៊ី កាត់ទោសមេបក្សប្រឆាំងដែលរិះគន់លោក ពូទីន ឲ្យជាប់ពន្ធនាគារ ១៩ ឆ្នាំទៀត
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៣ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ