ព័ត៌មានអន្ដរជាតិ
ហេតុផលមួយ បណ្តាលឲ្យភ្លើងឆេះព្រៃនៅ ហាវ៉ៃ រាលដាលកាចសាហាវបែបនេះ
ក្រុមហ៊ុនច្បាប់ជាច្រើន បានប្រកាសពីផែនការដើម្បីចាត់វិធានការផ្លូវច្បាប់ ប្រឆាំងនឹងក្រុមហ៊ុនអគ្គិសនី Hawaiian Electric ដោយអះអាងថា ក្រុមហ៊ុនផ្គត់ផ្គង់ថាមពលដ៏ធំបំផុតរបស់រដ្ឋមួយនេះ បានបង្កកំហុស ព្រោះពួកគេមិនបានកាត់ផ្តាច់ចរន្តពេលមានអគ្គិភ័យ ជាហេតុធ្វើឲ្យភ្លើង រាលដាលកាចសាហាវបែបនេះ។
![](https://www.kampucheathmey.com/wp-content/uploads/2023/08/image-818.png)
អភិបាលរដ្ឋ ហាវ៉ៃ លោក Josh Green បានប្រកាសកាលពីល្ងាចថ្ងៃអាទិត្យទី១៣ខែសីហាថា អគ្គិភ័យនៅកោះ Maui បានក្លាយជាភ្លើងឆេះព្រៃដ៏សាហាវបំផុត ក្នុងប្រវត្តិសាស្ត្រអាមេរិកសម័យទំនើប ខណៈចំនួនមនុស្សស្លាប់បានកើនឡើងដល់ ៩៣នាក់ហើយ។
គ្រោះមហន្តរាយនេះ បានវ៉ាដាច់អគ្គិភ័យ Camp Fire នៅរដ្ឋកាលីហ្វ័រញ៉ា កាលពីឆ្នាំ២០១៨ដែលបានសម្លាប់មនុស្សចំនួន៨៥នាក់ ហើយគឺជាគ្រោះមហន្តរាយអាក្រក់បំផុតចាប់តាំងពីអគ្គិភ័យ Cloquet & Moose Lake Fires នៅ Minnesota ក្នុងឆ្នាំ១៩១៨ ដែលសម្លាប់មនុស្ស ៤៥៣នាក់។
![](https://www.kampucheathmey.com/wp-content/uploads/2023/08/image-819.png)
ឥឡូវនេះ វាក៏ក្លាយជាគ្រោះធម្មជាតិសាហាវបំផុតក្នុងប្រវត្តិសាស្ត្ររដ្ឋហាវ៉ៃផងដែរ។ ថ្វីបើតួលេខមនុស្សស្លាប់ហក់ឡើងដល់ជិតខ្ទង់រយក៏ពិតមែន ប៉ុន្តែក្រុមសង្គ្រោះនិយាយថា ពួកគេទើបរុករកនៅតំបន់ឆេះខ្ទេចបានប្រហែល ៣%ប៉ុណ្ណោះ ហើយនេះក៏ជាហេតុបង្កើនលទ្ធភាពថា ចំនួនមនុស្សស្លាប់ នឹងកើនឡើងខ្លាំងជាបន្តទៀតផងដែរ ។
ថ្វីបើបច្ចុប្បន្ន អាជ្ញាធរអាចគ្រប់គ្រងភ្លើងឆេះព្រៃបានភាគច្រើនក៏ដោយ ប៉ុន្តែកិច្ចខិតខំប្រឹងប្រែងដើម្បីពន្លត់អគ្គិភ័យឲ្យបានទាំងស្រុង កំពុងបន្តនៅផ្នែកខ្លះនៃកោះ Maui រួមទាំងជុំវិញទីក្រុង Lahaina ដែលត្រូវបានកម្ទេចខ្ទេចគ្មានសល់ផងដែរ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ មនុស្សស្លាប់ដោយសារភ្លើងឆេះព្រៃនៅ ហាវ៉ៃ កើនដល់ជិត ១០០នាក់
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ