ពីឡុតឆ្នើមបំផុតរបស់អ៊ុយក្រែន បើកយន្តហោះបុកគ្នាឯង ស្លាប់

អ្នកបើកយន្តហោះចម្បាំងឆ្នើមបំផុតរបស់អ៊ុយក្រែនម្នាក់ និងអាកាសយានិកពីរនាក់ផ្សេងទៀត បានស្លាប់ក្នុងហេតុការណ៍យន្តហោះបុកគ្នាឯងលើអាកាសនៅតំបន់ Zhytomyr Oblast កាលពីថ្ងៃសៅរ៍ទី២៦ខែសីហា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Andrii Pilshchykov បានសាងកេរ្តិ៍ឈ្មោះល្បីរន្ទឺ ដោយសារតែចូលរួមក្នុងការប្រយុទ្ធនៅទីក្រុង កៀវ ពេលដែលរុស្ស៊ី បើកប្រតិបត្តិការលុកលុយដំបូង។

យោធាអ៊ុយក្រែន បានហៅការស្លាប់របស់គាត់ថាជា “ការបាត់បង់ដ៏ឈឺចាប់ និងមិនអាចជួសជុលបាន” ហើយបានថ្លែងអំណរគុណដល់លោក Pilshchykov ក្នុងនាមជាអ្នកបើកយន្តហោះដែលមានចំណេះដឹង និងពោពេញដោយទេពកោសល្យដ៏អស្ចារ្យ។

គួរបញ្ជាក់ថា ការបុកគ្នានេះ គឺរវាងយន្តហោះហ្វឹកហ្វឺន L-39 ចំនួន២គ្រឿង ដែលហោះហើរនៅភាគខាងជើងអ៊ុយក្រែន។

ស្របពេលជាមួយគ្នានោះ លោកប្រធានាធិបតី Volodymyr Zelensky បានបញ្ជាក់ពីការស្លាប់នេះ នៅក្នុងសុន្ទរកថាវីដេអូពេលយប់របស់គាត់ ដោយនិយាយថា ប្រទេសរបស់គាត់ នឹងមិនបំភ្លេចនរណាម្នាក់ ដែលការពារផ្ទៃមេឃសេរីរបស់អ៊ុយក្រែនបានឡើយ៕

ប្រែសម្រួល៖ Vann Vann

ប្រភព៖ BBC

ចុចអាន៖ សហរដ្ឋអាមេរិក យល់ព្រមផ្តល់យន្តហោះចម្បាំង F-16 ទៅឲ្យ អ៊ុយក្រែន