ព័ត៌មានអន្ដរជាតិ
តើពិតជាមានមនុស្សក្រៅភពមែនឬ? ពេលនេះ អង្គការ NASA បញ្ចេញរបាយការណ៍ហើយ
ក្រុមអ្នកជំនាញនិងអ្នកវិទ្យាសាស្ត្រឯករាជ្យ ដែលអង្គការ NASA ប្រគល់ភារកិច្ចឲ្យស៊ើបអង្កេតរកប្រភពដើមនៃរបាយការណ៍ជាច្រើន ពាក់ព័ន្ធការមើលឃើញបាតុភូតដូច ថាសហោះ បាននិយាយកាលពីថ្ងៃព្រហស្បតិ៍ទី១៤ខែកញ្ញាថា គ្មានព័ស្តុតាងណាមួយបង្ហាញពី ពន្លឺនៅលើមេឃ គឺជាយានអវកាសមកពីពិភពផ្សេងនោះទេ។

ទោះបីជាយ៉ាងណាក៏ដោយ ក្នុងសន្និសីទសារព័ត៌មានមួយនៅឯទីស្នាក់ការរបស់ទីភ្នាក់ងារអវកាសក្នុងទីក្រុង វ៉ាស៊ីនតោន ឌីស៊ី, អ្នកវិទ្យាសាស្ត្ររបស់ NASA លោក Dan Evans បានទទួលស្គាល់ថា “វត្តមានរបស់វត្ថុហោះដែលគេមិនអាចកំណត់អត្តសញ្ញាណបាន បានបង្កឲ្យមានក្តីព្រួយបារម្ភយ៉ាងខ្លាំងអំពីសុវត្ថិភាពផ្ទៃមេឃ ប៉ុន្តែវាមានសារៈសំខាន់បំផុត ក្នុងការកំណត់ថាតើ បាតុភូតទាំងនោះ បង្កហានិភ័យចំពោះសុវត្ថិភាពដែនអាកាសបែបណាខ្លះ។
ក្រុមប្រឹក្សាដែលមានអ្នកជំនាញ១៦នាក់ ត្រូវបានកោះប្រជុំម្តងរួចមកហើយពីសំណាក់ទីភ្នាក់ងារនេះកាលពីឆ្នាំមុន ចំពេលសាធារណជន ចាប់ផ្តើមមានការចាប់អារម្មណ៍កាន់តែខ្លាំង លើប្រធានបទមនុស្សក្រៅភព ជាពិសេសបន្ទាប់ពីរដ្ឋាភិបាលសហរដ្ឋអាមេរិក បញ្ចេញខ្សែអាត់វីដេអូ នៃអ្វីដែលគេមើលឃើញថា ជាវត្ថុហោះកំពុងធ្វើចលនានៅលើមេឃ។

ថ្លែងបន្ទាប់ពីការចេញផ្សាយរបាយការណ៍៣៦ទំព័ររបស់ខ្លួនលើប្រធានបទនេះ អ្នកគ្រប់គ្រងអង្គការ NASA លោក Bill Nelson បានផ្តល់អនុសាសន៍ឲ្យប្រើប្រាស់វិធីសាស្រ្តនានា រួមទាំង AI ផងដែរដើម្បីស្វែងយល់បន្ថែមអំពីការមើលឃើញនេះ ហើយក៏មានការប្រកាសផងដែរថា NASA បានតែងតាំងអ្នកចាត់ការថ្មី ដើម្បីត្រួតពិនិត្យលើការស្រាវជ្រាវវត្ថុហោះមិនស្គាល់អត្តសញ្ញាណនេះ។
លោក Nelson និយាយថា “អ្វីដែលសំខាន់បំផុតពីការសិក្សានេះគឺ នៅមានរឿងច្រើនទៀតដែលត្រូវរៀនសូត្រ។ ក្រុមសិក្សាឯករាជ្យរបស់ NASA មិនបានរកឃើញព័ស្តុតាងណាមួយដែលបង្ហាញពីវត្ថុហោះនោះមានប្រភពដើមនៅខាងក្រៅភពផែនដីទេ ហើយយើងក៏មិនដឹងថា វាជាអ្វីផងដែរ”។

ការបញ្ចេញរបាយការណ៍របស់ NASA ធ្វើឡើងក្រោយសក្ខីកម្មខែកក្កដា របស់មន្ត្រីចារកម្មកងទ័ពអាកាសជើងចាស់ម្នាក់ ដែលបានប្រាប់សមាជិកសភាថា រដ្ឋាភិបាលសហរដ្ឋអាមេរិក បាននិងកំពុងរក្សាព័ត៌មានជាប្រចាំពីវត្ថុហោះដែលគេមិនស្គាល់អត្តសញ្ញាណ ខណៈរបាយការណ៍នេះក៏កើតឡើងផងដែរ បន្ទាប់ពីសភាម៉ិកស៊ិកបានបង្ហាញជាមួយនឹងព័ស្តុតាងដែលបញ្ជាក់ថា វាជាសាកសពមនុស្សក្រៅភពអាយុកាល ១០០ ០ឆ្នាំ យកពីអណ្តូងរ៉ែនៅប្រទេសប៉េរូ ៕
ប្រែសម្រួល៖ Vann Vann
ប្រភព៖ RT
ចុចអាន៖ ដុំភ្លើងធ្លាក់នៅរដ្ឋតិចសាស់ ត្រូវអង្គការណាសាអះអាងថាជាអាចម៍ផ្កាយ
-
ព័ត៌មានជាតិ៦ ថ្ងៃ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានអន្ដរជាតិ១ សប្តាហ៍ មុន
ទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣
-
ព័ត៌មានជាតិ៥ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានអន្ដរជាតិ៦ ថ្ងៃ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៥ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
ព័ត៌មានជាតិ៥ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
សន្តិសុខសង្គម២ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៤ ថ្ងៃ មុន
ទីបំផុត ស្រ្តីតែងខ្លួនជាប្រុសម្នាក់ត្រូវបានសមត្ថកិច្ចចាប់ខ្លួន ក្រោយតាមរំខានយុវតីម្នាក់រាប់ឆ្នាំ