តម្លៃប្រេងសាំង ពិភពលោក ធ្លាក់ថ្លៃជិត ១ ដុល្លារក្នុងមួយបារ៉ែល

តម្លៃប្រេងពិភពលោក​បានធ្លាក់ចុះ​ជិត ១ ដុល្លារកាលពីថ្ងៃពុធ ខណៈដែលវិនិយោគិនកំពុងរង់ចាំការសម្រេចចិត្តលើគោលនយោបាយអត្រាការប្រាក់ចុងក្រោយរបស់ធនាគារកណ្តាលអាមេរិក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រេងឆៅអន្តរជាតិម៉ាក Brent កំពុងជួញដូរនៅតម្លៃ ៩៣.៤៦ ដុល្លារក្នុងមួយបារ៉ែល ដោយធ្លាក់ថ្លៃ ០.៨៨ ដុល្លារ ឬ ០.៩ ភាគរយ ខណៈការជួញដូរកាលពីថ្ងៃអង្គារមានតម្លៃ ៩៥.៩៦ ដុល្លារក្នុងមួយបារ៉ែល ។

សម្រាប់ប្រេងឆៅរបស់ក្រុមហ៊ុនអាមេរិក West Texas Intermediate (WTI) បានធ្លាក់ចុះ ០.៩៧ ដុល្លារ មកនៅត្រឹម ៩០.២៣ ដុល្លារក្នុងមួយបារ៉ែល បន្ទាប់ពីបានឡើងដល់កម្រិតខ្ពស់រយៈពេល ១០ ខែ គឺ ៩៣.៧៤ ដុល្លារក្នុងមួយបារ៉ែលកាលពីថ្ងៃមុន ។

ការធ្លាក់ថ្លៃប្រេងសាំងនេះកើតមានឡើង ស្របពេលដែលវិនិយោគិនកំពុងរង់ចាំការសម្រេចចិត្តលើអត្រាការប្រាក់របស់ធនាគារកណ្តាលនៅសប្តាហ៍នេះ ដើម្បីវាយតម្លៃពីទស្សនវិស័យសម្រាប់កំណើនសេដ្ឋកិច្ច និងតម្រូវការប្រេងឥន្ធនៈ ខណៈធនាគារកណ្តាលរំពឹងថា នឹងរក្សាអត្រាការប្រាក់ឲ្យនៅដដែល ។

ទន្ទឹមនោះ ស្តុកប្រេងឆៅរបស់សហរដ្ឋអាមេរិកក៏បានធ្លាក់ចុះផងដែរប្រហែល ៥.២៥ លានបារ៉ែលកាលពីសប្តាហ៍មុន ខណៈអ្នកវិភាគរបស់សារព័ត៌មាន Reuters រំពឹងថា ស្តុកប្រេងឆៅនេះនឹងធ្លាក់ចុះរហូត ២.២ លានបារ៉ែលឯណោះ ៕

ប្រែសម្រួល៖ នាង រតនៈ

ប្រភព៖ Reuters