ព័ត៌មានអន្ដរជាតិ

ប្រទេសមួយក្នុងពិភពលោក មានរូបិយប័ណ្ណតម្លៃថ្លៃជាងគេបង្អស់

បានផុស

២ years មុន

នៅ

ថ្ងៃសៅរ៍ ២៣ កញ្ញា ២០២៣

ដោយ

Kuwaiti Dinar (KWD) ឬគុយវ៉ែតឌីណា គឺជារូបិយប័ណ្ណផ្លូវការរបស់ប្រទេសគុយវ៉ែត ដែលមានតម្លៃថ្លៃជាងគេបង្អស់លើពិភពលោក គិតត្រឹមឆ្នាំ២០២៣នេះ។

ចាប់តាំងពីវាត្រូវបានណែនាំជាលើកដំបូងក្នុងឆ្នាំ ១៩៦០ រូបិយប័ណ្ណគុយវ៉ែតឌីណា បានជាប់ចំណាត់ថ្នាក់ជារូបិយប័ណ្ណដ៏មានតម្លៃបំផុតអស់រយៈពេលយូរមកហើយ។ ក្នុងពេលដែលស្ថិរភាពសេដ្ឋកិច្ចរបស់ប្រទេសមួយនេះ បានជំរុញដោយទុនបម្រុងប្រេង និងប្រព័ន្ធមិនបង់ពន្ធ ដែលរួមចំណែកដល់តម្រូវការខ្ពស់សម្រាប់រូបិយប័ណ្ណរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែវាមានអត្រាប្តូរប្រាក់ខ្ពស់ បើធៀបទៅនឹងរូបិយប័ណ្ណពិភពលោកសំខាន់ៗដូចជាប្រាក់ដុល្លារអាមេរិក។ ក្នុងនោះផងដែរ គេថែមទាំងដឹងទៀតថា ១គុយវ៉ែតឌីណា អាចទិញប្រាក់ដុល្លារបានដល់ទៅ ៣.២៦ដុល្លារអាមេរិក ខណៈដែល ១ដុល្លារ ស្មើនឹង ០.៣១ គុយវ៉ែតឌីណា ប៉ុណ្ណោះ។

នេះបញ្ជាក់ដែរថា ប្រាក់១គុយវ៉ែតឌីណា មានតម្លៃច្រើន បើធៀបនឹងរូបិយប័ណ្ណផ្សេងទៀតភាគច្រើន។ ហើយរូបិយប័ណ្ណនេះមានអត្រាប្តូរប្រាក់ថេរ ជាមួយនឹងប្រាក់ដុល្លារអាមេរិក។ នេះមានន័យថា តម្លៃនៃរូបិយប័ណ្ណត្រូវបានរក្សាជាប់លាប់ក្នុងអត្រាជាក់លាក់មួយ។ ស្ថិរភាពនេះជាចម្បងដោយសារទុនបម្រុងប្រេង គោលនយោបាយសារពើពន្ធដ៏សំខាន់ និងការប្រុងប្រយ័ត្នរបស់ប្រទេសគុយវ៉ែត។

ទោះយ៉ាងណាក៏ដោយ ក្រដាសប្រាក់នីមួយៗមានការរចនា និងពណ៌ខុសៗគ្នា។ ជាធម្មតាវាមានរូបបុគ្គលដ៏ល្បីល្បាញម្នាក់ ពីប្រវត្តិសាស្ត្រគុយវ៉ែតនៅខាងមុខ និងសញ្ញាសម្គាល់ ឬនិមិត្តសញ្ញានៅខាងក្រោយក្រដាសប្រាក់។

លើសពីនេះថែមទៀត ប្រាក់គុយវ៉ែតឌីណាមានភាពល្បីល្បាញដោយសារមុខងារសុវត្ថិភាពកម្រិតខ្ពស់ ដែលធ្វើឲ្យពិបាកក្នុងការក្លែងបន្លំ។ វិធានការសុវត្ថិភាពទាំងនេះរួមមាន ស្ទីកគឺរហូឡូក្រាម, ស្នាមទឹក និងលំនាំដ៏ស្មុគស្មាញ។ ភាពខ្លាំងនៃប្រាក់គុយវ៉ែតឌីណា គឺទាក់ទងយ៉ាងជិតស្និទ្ធទៅនឹងសេដ្ឋកិច្ចដែលមានមូលដ្ឋានលើប្រេងរបស់ប្រទេសគុយវ៉ែត។ ប្រទេសនេះជាប្រទេសផលិត និងនាំចេញប្រេងដ៏សំខាន់ ហើយចំណូលពីប្រេងដើរតួនាទីសំខាន់ក្នុងការគាំទ្រស្ថិរភាពរូបិយប័ណ្ណ។

មិនត្រឹមប៉ុណ្ណឹងនោះទេ ប្រទេសគុយវ៉ែត ស្ថិតនៅចន្លោះអារ៉ាប៊ីសាអូឌីត និងអ៊ីរ៉ាក់ ដោយទទួលបានទ្រព្យសម្បត្តិជាច្រើនពីការក្លាយជាប្រទេសនាំមុខគេ លើការនាំចេញប្រេងពិភពលោកផងដែរ៕