ព័ត៌មានអន្ដរជាតិ
អ្នកស្លាប់ពីការបាញ់ប្រហារនៅ អាមេរិក កើនដល់ ២២ នាក់ ខណៈប៉ូលិសកំពុងតាមប្រមាញ់ខ្មាន់កាំភ្លើង
ទូរទស្សន៍ CNN បានរាយការណ៍ថា មនុស្សយ៉ាងហោចណាស់ ២២ នាក់បានស្លាប់ និងចន្លោះពី ៥០ ទៅ ៦០ នាក់បានរងរបួសក្នុងការបាញ់ប្រហារខ្នាតធំមួយនៅទីក្រុង Lewiston រដ្ឋ Maine របស់សហរដ្ឋអាមេរិកកាលពីយប់ថ្ងៃពុធ ទី២៥ ខែតុលា ។
ប៉ូលិសរដ្ឋ Maine បាននិយាយនៅលើប្រព័ន្ធផ្សព្វផ្សាយសង្គម X ថា “យើងឃើញមានខ្មាន់កាំភ្លើងសកម្មម្នាក់នៅទីក្រុង Lewiston កំពុងបើកការបាញ់បោះ ដូច្នេះយើងសុំឲ្យមនុស្សរកកន្លែងមានសុវត្ថិភាព និងសូមស្នាក់នៅក្នុងផ្ទះចាក់សោរបិទទ្វារ ដោយសារតែសមត្ថកិច្ចកំពុងធ្វើការស៊ើបអង្កេតករណីពាក់ព័ន្ធនៅទីតាំងជាច្រើនដូចជា សាល Sparetime Recreation, ភោជនីយដ្ឋាន Schemengees Bar & Grille Restaurant និងមជ្ឈមណ្ឌល Walmart ផងដែរ” ។
ទន្ទឹមនោះ ប៉ូលិសក៏កំពុងតាមប្រមាញ់ខ្មាន់កាំភ្លើង ក៏ដូចជាបង្ហោះរូបថតចំនួន ២ សន្លឹកនៅលើបណ្ដាញសង្គម Facebook បង្ហាញពីជនសង្ស័យជាបុរសមានពុកមាត់ ពាក់អាវដៃវែង និងស្លៀកខោខូវប៊យកាន់កាំភ្លើងនៅកន្លែងកើតហេតុ ដើម្បីសុំឲ្យសាធារណជនជួយផ្ដល់ព័ត៌មាន និងងាយស្រួលក្នុងការកំណត់អត្តសញ្ញាណ ។
ស្របពេលជាមួយគ្នានេះ មជ្ឈមណ្ឌលព្យាបាល Central Maine ក្នុងទីក្រុង Lewiston បានចេញសេចក្តីថ្លែងការណ៍មួយថា “មជ្ឈមណ្ឌលមានការសោកស្ដាយចំពោះជនរងគ្រោះនៅក្នុងព្រឹត្តិការណ៍បាញ់ប្រហារដ៏ធំមួយនេះ ហើយកំពុងសម្របសម្រួលជាមួយមន្ទីរពេទ្យក្នុងតំបន់ដើម្បីទទួលយកអ្នករងរបួសមកព្យាបាលផងដែរ” ។
គួរបញ្ជាក់ថា ការសម្លាប់រង្គាលនេះ គឺជាការបាញ់ប្រហារដ៏ធំបំផុតនៅក្នុងសហរដ្ឋអាមេរិក ចាប់តាំងពីខែឧសភា ឆ្នាំ ២០២២ មកនៅពេលដែលខ្មាន់កាំភ្លើងបានបើកការបាញ់ប្រហារនៅសាលាបឋមសិក្សាមួយកន្លែងក្នុងទីក្រុង Uvalde រដ្ឋតិចសាស់ ដោយបានសម្លាប់កុមារ ១៩ នាក់ និងគ្រូបង្រៀន ២ នាក់ ។
ទោះយ៉ាងណា ការបាញ់ប្រហារដ៏សាហាវបំផុតក្នុងកំណត់ត្រារបស់សហរដ្ឋអាមេរិក គឺការសម្លាប់រង្គាលលើមនុស្សចំនួន ៥៨ នាក់ នៅពេលដែលខ្មាន់កាំភ្លើងម្នាក់បានបើកការបាញ់ប្រហារក្នុងពិធីបុណ្យតន្ត្រីក្នុងសណ្ឋាគារខ្ពស់កប់ពពកមួយកន្លែងនៅទីក្រុង Las Vegas កាលពីឆ្នាំ ២០១៧ ៕
ប្រែសម្រួលដោយ ៖ ជីវ័ន្ត
ចុចអាន ៖ បាញ់ប្រហារទ្រង់ទ្រាយធំនៅអាមេរិក ស្លាប់មនុស្ស១៦នាក់ និងរបួសពី ៥០ទៅ៦០នាក់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ