ម្ចាស់ក្សត្រីប៊ូតាន បង្ហាញព្រះភ័ក្រក្រោយសម្រាលបុត្រី ខណៈសម្រស់ទ្រង់ធ្វើឲ្យគ្រប់គ្នាភ្ញាក់ផ្អើល

​ក្រោយ​បាត់​ព្រះភ័ក្រ​មួយ​រយៈ​ធំមក ​ម្ចាស់​ក្សត្រីប៊ូតានបានបង្ហាញព្រះភ័ក្រទង់នៅចំពោះមុខប្រជានុរាស្រ្ត ខណៈដែលសម្រស់របស់ទ្រង់ នៅ​តែ​ធ្វើ​ឲ្យ​មហាជន​សរសើរ​មិនដាច់ពីមាត់សោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមជាមហេសីរបស់ស្តេច Jigme Khesar Namgyel Wangchuck ម្ចាស់ក្សត្រី Jetsun Pema នៃព្រះរាជាណាចក្រ​ប៊ូតាន​គឺជាឥស្សរជនដែលទទួលបានការចាប់អារម្មណ៍យ៉ាងខ្លាំង ដោយសារតែព្រះភ័ក្រដ៏ស្រស់ស្អាតរបស់ទ្រង់ដែលមនុស្សរាប់ពាន់នាក់លង់ស្នេហ៍ ព្រមទាំងរឿងរ៉ាវស្នេហារបស់ទ្រង់ដូចរឿងនិទានតាំងពីព្រះជន្ម ៧វស្សា។

ដោយឡែក កាលពីថ្ងៃទី ០៩ ខែកញ្ញា ឆ្នាំ ២០២៣ ទំព័រប្រព័ន្ធផ្សព្វផ្សាយសង្គមរបស់រាជវង្សប៊ូតានបានធ្វើឲ្យប្រជាជនមានអារម្មណ៍សប្បាយរីករាយ នៅពេលដែលបានប្រកាសជាផ្លូវការថាសែរាជវង្សរបស់ស្តេចប៊ូតាន ទើបតែបានស្វាគមន៍សមាជិកទី៥ ដែលជាព្រះនាងតូចមានសុខភាពល្អ និងសក្តិសមជាទីស្រឡាញ់របស់ប្រជារាស្រ្ត។

ជាងមួយខែហើយ បន្ទាប់ពីការប្រសូតរបស់ព្រះនាងនៅចុងខែតុលា ម្ចាស់ក្សត្រី Jetsun Pema បានចូលរួមព្រឹត្តិការណ៍ Dasha Festival ដោយមិនបានរំពឹងទុកជាមួយបុត្រាទីពីររបស់ទ្រង់។ ជាមួយគ្នានេះដែរ ស្តេច Jigme និង Dragon Prince ដែលជាបុត្រាច្បងបានបង្ហាញខ្លួនជាមួយគ្នានៅក្នុងកម្មវិធីសប្បុរសធម៌មួយដូចគ្នា។

ចូលរួមក្នុងព្រឹត្តិការណ៍នេះ ព្រះមហាក្សត្រី Pema បានទទួលការស្វាគមន៍យ៉ាងកក់ក្តៅពីប្រជាពលរដ្ឋភ្លាមៗ។ នៅក្នុងរូបថតដែលបង្ហោះដោយគ្រួសាររាជវង្សប៊ូតាន អ្នកគាំទ្រជាច្រើនជឿថា ទោះបីជាទ្រង់ទើបតែសម្រាលបានព្រះនាងក៏ពិតមែន ប៉ុន្តែព្រះមហាក្សត្រិយានីនៅតែរក្សារាងស្លីម និងមន្តស្នេហ៍ដ៏ភ្លឺថ្លាដូចកាលនៅក្មេង។

ស្ថិតក្នុងព្រះជន្ម៣៣ វស្សា បើទោះបីជាទ្រង់ជាមាតាដែលមានបុត្រដល់ទៅ៣អង្គក្ដី ក៏ទ្រង់ត្រូវបានគេចាត់ទុកថា មានភាពទន់ភ្លន់ និងគួរឲ្យស្រលាញ់ខ្លាំង ដែលសក្តិសមជាមហាក្សត្រីដ៏ស្រស់ស្អាតបំផុតនៅអាស៊ី។

ក្រៅពីរូបសម្រស់ដូចទេពអប្សរ ម្ចាស់ក្សត្រី Pema ក៏តែងតែទទួលបានការសរសើរជាច្រើន ចំពោះស្មារតីទទួលខុសត្រូវរបស់ទ្រង់ នៅពេលសម្រេចចិត្តត្រឡប់មកទទួលភារកិច្ចវិញ បើទោះបីជាទើបតែសម្រាលបានជាងមួយខែប៉ុណ្ណោះ ចាប់តាំងពីព្រះនាងប្រសូតមក។

ទោះបីជាយ៉ាងណា កាលទ្រង់មានផ្ទៃពោះ ម្ចាស់ក្សត្រីនៅតែបំពេញព្រះរាជកិច្ចយ៉ាងសកម្មនៅក្រៅប្រទេស ដូចជាការចូលរួមក្នុងពិធីមង្គលការរបស់ព្រះនាងហ្ស៊កដានី ឬការឡើងគ្រងរាជ្យរបស់ស្តេច Charles III នៅទីក្រុងឡុងដ៍ (ចក្រភពអង់គ្លេស)។ រាល់ពេលដែលទ្រង់បង្ហាញខ្លួននៅក្នុងព្រឹត្តិការណ៍សំខាន់ៗ ម្ចាស់ក្សត្រីនៃប្រទេសប៊ូតង់តែងតែចាប់អារម្មណ៍ជាមួយនឹងស្ទីលឆើតឆាយ និងទាក់ទាញរបស់នាងនៅពេលស្លៀកសំលៀកបំពាក់ប្រពៃណីរបស់ជនជាតិប៊ូតាន៕

ប្រែសម្រួល៖ សាង ស្រីល័ក្ខ

ចុចអាន៖រឿង​និទាន​ស្នេហ៍ផ្អែមល្ហែម​ និង​ប្រវត្តិសំខាន់ៗ ពី​ព្រះ​មហាក្សត្រី​ នៃ​ប្រទេស ​ប៊ូតង់