អ៊ីស្រាអែល តាមសម្លាប់មេទ័ពក្រុមហាម៉ាស ដែលខ្លួនធ្លាប់កាត់ទោសដាក់ពន្ធនាគារ៤២៦ឆ្នាំ តែដោះលែងវិញ

អ៊ីស្រាអែល កំពុងតាមរកនិងសម្លាប់មេបញ្ជាការក្រុមហាម៉ាស លោក Yahya Sinwar ដែលគេ ជឿថា ជាអ្នកទទួលខុសត្រូវចំពោះការវាយប្រហារកាលពីថ្ងៃទី៧ខែតុលាលើប្រទេសអ៊ីស្រាអែលភាគខាងត្បូង ដែលបណ្តាលឲ្យមនុស្សជាង១៤០០នាក់បាត់បង់ជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេសង្ស័យថា លោក Sinwar អាយុ៦១ឆ្នាំ កំពុងស្ថិតនៅក្នុងមជ្ឈមណ្ឌលបញ្ជានិងគ្រប់គ្រងរបស់ក្រុមហាម៉ាស ខាងក្រោមមន្ទីរពេទ្យនៃតំបន់ហ្គាហ្សាស្រ្ទីប។

ក្នុង​នាម​ជា​ប្រមុខ​ក្រុម​ហាម៉ាស​នៅ​ហ្គាហ្សា លោក Sinwar គឺ​ជា​សមាជិក​ដ៏​មាន​ឥទ្ធិពល​លំដាប់​ទីពីររបស់ចលនានេះ ​បន្ទាប់​ពី​លោក Ismail Haniyeh។

ស្របពេលជាមួយគ្នានោះដែរ លោកវរសេនីយ៍ឯក Richard Hecht អ្នកនាំពាក្យកងកម្លាំងការពារអ៊ីស្រាអែល (IDF) បានធ្វើការប្រៀបធៀបលោក Sinwar ទៅនឹង Osama Bin Laden។

លោក Yahya Sinwar ជាអ្នកមើលការខុសត្រូវកិច្ចការរបស់ក្រុមហាម៉ាសនៅតំបន់ហ្គាហ្សា ដោយបានបង្កើតសេវាកម្មស៊ើបការណ៍សម្ងាត់ និងស្លាបយោធារបស់ខ្លួនគឺ IQB។

លោក ត្រូវបានកាត់ទោសឲ្យជាប់ពន្ធនាគារ៤២៦ឆ្នាំ ពីបទសម្លាប់ទាហានអ៊ីស្រាអែលពីរនាក់ក្នុងឆ្នាំ១៩៨៩ ប៉ុន្តែក្រោយ​មក លោក​ត្រូវ​បាន​ដោះលែង ​ជា​ផ្នែក​មួយ​នៃ​ការ​ដោះដូរ​អ្នក​ទោស​ជាមួយ​ក្រុម​ហាម៉ាស ​ក្នុង​ឆ្នាំ២០១១។

លោក Sinwar និងអ្នកដែលត្រូវដោះលែងផ្សេងទៀតក្នុងការដោះដូរនោះ គឺស្ថិតក្នុងចំណោមអ្នកដែលអ៊ីស្រាអែលចោទប្រកាន់ថា ជាប់ពាក់ព័ន្ធក្នុងការវាយប្រហារថ្ងៃទី៧ខែតុលា ហើយចាប់តាំងពីពេលនោះមក អ៊ីស្រាអែលអះអាងថា ក្រុមហាម៉ាស មានទីស្នាក់ការកណ្តាលមួយ នៅខាងក្រោមមន្ទីរពេទ្យ Al-Shifa ក្នុងតំបន់ហ្គាហ្សា៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ លោក Netanyahu ប្រកាសថា អ៊ីស្រាអែល នឹងគ្រប់គ្រងសន្តិសុខ ហ្គាហ្សា ទាំងស្រុង ក្រោយចប់សង្គ្រាម