ព័ត៌មានអន្ដរជាតិ
ក្រុមឧទ្ទាម ហ៊ូធី បញ្ចេញវីដេអូធ្វើសកម្មភាពប្លន់កប៉ាល់ដឹកទំនិញនៅ សមុទ្រក្រហម
ក្រុមឧទ្ទាមហ៊ូធីគាំទ្រដោយប្រទេសយេម៉ែនកាលពីថ្ងៃចន្ទបានចេញផ្សាយវីដេអូដ៏រន្ធត់បង្ហាញពីក្រុមយុទ្ធជនរបស់ពួកគេចេញប្លន់កប៉ាល់ដឹកទំនិញ Galaxy Leader របស់អង់គ្លេស ខណៈកំពុងបើកបរក្បែរព្រំដែនប្រទេសយេម៉ែននៅសមុទ្រក្រហម ។
កប៉ាល់ដឹកទំនិញដែលដំណើរការដោយក្រុមហ៊ុន Nippon Yusen ឬគេស្គាល់ថា NYK Line ជាក្រុមហ៊ុនរបស់ប្រទេសជប៉ុន មានសមាជិកនាវិកចំនួន ២៥ នាក់នៅលើកប៉ាល់នោះ ខណៈរហូតមកដល់ពេលនេះស្ថានភាពរបស់ពួកគេមិនទាន់ត្រូវបានគេដឹងនៅឡើយទេ ។
នៅក្នុងវីដេអូដែលបង្ហោះនៅលើប្រព័ន្ធផ្សព្វផ្សាយសង្គមដោយក្រុមឧទ្ទាមហ៊ូធីបានបង្ហាញយ៉ាងច្បាស់ៗអំពីឧទ្ធម្ភាគចក្រមួយគ្រឿងបើកហោះចូលទៅជិតកប៉ាល់ដឹកទំនិញពីខាងក្រោយ ខណៈបន្ទាប់មកមានក្រុមអ្នកប្រយុទ្ធប្រដាប់ដោយអាវុធប្រហែល ១០ នាក់ចុះទៅលើកប៉ាល់នោះ ។
វីដេអូននោះបង្ហាញទៀតថា ក្រុមប្រដាប់អាវុធហ៊ូធីបានភ្ជង់កាំភ្លើង និងឃាត់ខ្លួនក្រុមនាវិកនៅក្នុងកប៉ាល់ ហើយថែមទាំងស្រែកឮៗដាក់ពួកគេថា “ស្លាប់ទៅពួកអ៊ីស្រាអែល ។ ស្លាប់ទៅពួកអាមេរិក” ខណៈក្រុមប្រដាប់អាវុធក៏បានត្រៀមទូកតូចៗជាច្រើនគ្រឿងនៅជុំវិញកប៉ាល់ដឹកទំនិញនោះផងដែរ ។
ពាក់ព័ន្ធនឹងបញ្ហានេះដែរ អ្នកនាំពាក្យក្រសួងការបរទេសសហរដ្ឋអាមេរិក លោក Matthew Miller បាននិយាយកាលពីថ្ងៃចន្ទថា ការរឹបអូសយកកប៉ាល់ Galaxy Leader ពីសំណាក់ក្រុមឧទ្ទាមហ៊ូធីគឺជា “ការរំលោភបំពានច្បាប់អន្តរជាតិដ៏គួរឲ្យភ្ញាក់ផ្អើល” ហើយរដ្ឋាភិបាលទីក្រុងវ៉ាស៊ីនតោនទាមទារឲ្យមានការដោះលែងនាវិក និងកប៉ាល់ជាបន្ទាន់ផងដែរ ។
គួរបញ្ជាក់ថា ក្រុមឧទ្ទាមហ៊ូធីដែលក៏មានការគាំទ្រពីសំណាក់ប្រទេសអ៊ីរ៉ង់ផងដែរនោះ បានប្រកាសជួយដល់ក្រុមប្រដាប់អាវុធប៉ាឡេស្ទីនហាម៉ាសនៅក្នុងសង្គ្រាមជាមួយកងកម្លាំងអ៊ីស្រាអែល ដែលបានផ្ទុះឡើងកាលពិថ្ងៃទី៧ ខែតុលា ខណៈក្រុមប្រដាប់អាវុធមួយនេះក៏បើកការបាញ់មីស៊ីល និងយន្តហោះគ្មានមនុស្សបើកជាច្រើនលើកច្រើនសារចូលទៅក្នុងទឹកដីអ៊ីស្រាអែលផងដែរ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ក្រុមឧទ្ទាម ហ៊ូធី អះអាងប្លន់បានកប៉ាល់ដឹកទំនិញអ៊ីស្រាអែល នៅសមុទ្រក្រហម
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ