កម្មករឥណ្ឌាទាំង៤១នាក់ ត្រូវបានសង្គ្រោះចេញពីផ្លូវក្រោមដី ក្រោយជាប់១៧ថ្ងៃ

នៅទីបំផុត ក្រុមអ្នកជួយសង្គ្រោះបាននាំមនុស្សទាំង៤១នាក់ ចេញពីផ្លូវក្រោមដីនៃតំបន់ភ្នំហិមាល័យដែលបាក់ហើយ ក្រោយជាប់នៅទីនោះអស់រយៈពេល១៧ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មករដែលសង្គ្រោះ ត្រូវបានស្វាគមន៍ និងចាត់ទុកជាវីរបុរស បន្ទាប់ពីនាំចេញតាមបំពង់ដែកប្រវែង៥៧ម៉ែត្រ ដែលគេចុះចូល ជាមួយហ្វ្រង់ការ បំពាក់ដោយកង់ពិសេស។

នាយករដ្ឋមន្រ្តីរដ្ឋ Uttarakhand លោក Pushkar Singh Dhami បញ្ជាក់ថា សុខភាពរបស់កម្មករគឺមិនមានបញ្ហាអ្វីទេ​ ដោយមានក្រុមគ្រូពេទ្យនៅនឹងកន្លែង បានវាយតម្លៃពួកគេភ្លាមៗ ក្រោយការជួយសង្គ្រោះ។

អ្នកទាំងនោះ បានជាប់នៅផ្លូវរូងភ្នំដែលកំពុងសាងសង់ក្នុងរដ្ឋ Uttarakhand ខណៈកំពុងធ្វើការកាលពីថ្ងៃទី១២ខែវិច្ឆិកា។

ស្របពេលជាមួយគ្នានោះ នាយករដ្ឋមន្រ្តី Narendra Modi បានប្រាប់កម្មករនៅក្នុងសេចក្តីថ្លែងការណ៍មួយថា “ភាពក្លាហាន និងការអត់ធ្មត់របស់ពួកគេ កំពុងបំផុសគំនិតមនុស្សរាល់គ្នា”៕

ប្រែសម្រួល៖ Vann Vann

ប្រភព៖ CNA

ចុចអាន៖ ឥណ្ឌា ចំណេញលុយរាប់ពាន់លានដុល្លារពីការទិញប្រេងរបស់ រុស្ស៊ី