ព័ត៌មានអន្ដរជាតិ
UN៖ ប្រជាជននៅ ហ្គាហ្សា ពាក់កណ្តាល កំពុងដាច់ពោះ
មន្ត្រីជំនួយជាន់ខ្ពស់របស់អង្គការសហប្រជាជាតិ បានព្រមានថា ប្រជាជននៅតំបន់ហ្គាហ្សាពាក់កណ្តាលកំពុងដាច់ពោះ ខណៈការប្រយុទ្ធនៅតែបន្ត។
លោក Carl Skau នាយករងនៃកម្មវិធីស្បៀងអាហារពិភពលោករបស់ UN និយាយថា មានជំនួយចាំបាច់តិចតួចបំផុត ដែលអាចចូលទៅក្នុងតំបន់នេះបាន ហើយមនុស្សចំនួន៩នាក់ក្នុងចំណោម១០នាក់ មិនអាចបរិភោគរាល់ថ្ងៃបានទេ។ លក្ខខណ្ឌនៅហ្គាហ្សា ធ្វើឲ្យការដឹកជញ្ជូន ស្ទើរតែមិនអាចទៅរួច។
អំឡុងពេលដែលគាត់ និងក្រុមរបស់អង្គការ WFP ពេលធ្វើដំណើរទៅកាន់ ហ្គាហ្សា លោក Skau បានមើលឃើញពីរឿងគួរឲ្យភ័យខ្លាច ភាពវឹកវរ និងក្តីអស់សង្ឃឹម។ លោកនិយាយថា “យើងបានឃើញភាពច្របូកច្របល់នៅក្នុងឃ្លាំង អ្នកស្រេកឃ្លានរាប់ម៉ឺននាក់ ផ្សារទំនើបគ្មានទំនិញ និងទីជម្រកដ៏ចង្អៀត”។
ចលនាចេញចូលតំបន់ហ្គាហ្សា ត្រូវបានរឹតបន្តឹងយ៉ាងខ្លាំងចាប់តាំងពីថ្ងៃទី៧ខែតុលាមក នៅពេលយុទ្ធជនហាម៉ាស បុកទម្លុះរបងដែលមានការយាមកាមយ៉ាងខ្លាំងរបស់អ៊ីស្រាអែល ដោយសម្លាប់មនុស្សប្រមាណ១២០០នាក់ និងចាប់ចំណាប់ខ្មាំង២៤០នាក់។ ជាការឆ្លើយតប អ៊ីស្រាអែលបានបិទព្រំដែនរបស់ខ្លួនជាមួយតំបន់ហ្គាហ្សា ហើយចាប់ផ្តើមវាយប្រហារតាមផ្លូវអាកាស លើទឹកដីនេះ។
តាមការបញ្ជាក់ពីក្រសួងសុខាភិបាលដែលគ្រប់គ្រងដោយក្រុមហាម៉ាស, អ៊ីស្រាអែលបានសម្លាប់មនុស្សជាង១៧៧០០នាក់ នៅក្នុងយុទ្ធនាការសងសឹករបស់ខ្លួន រួមទាំងកុមារជាង ៧០០០នាក់ផងដែរ។
មានតែច្រកព្រំដែន Rafah ជាប់ប្រទេសអេហ្ស៊ីបប៉ុណ្ណោះដែលបើកចំហ ដោយអនុញ្ញាតឲ្យមានការផ្តល់ជំនួយទៅដល់ហ្គាហ្សា។ ក្នុងសប្តាហ៍នេះ អ៊ីស្រាអែលបានយល់ព្រមបើកច្រក Kerem Shalom ចូលទៅកាន់តំបន់ហ្គាហ្សា ប៉ុន្តែសម្រាប់តែការត្រួតពិនិត្យរថយន្តជំនួយប៉ុណ្ណោះ។ បន្ទាប់មក រថយន្តនឹងទៅច្រក Rafah ដដែលដើម្បីឆ្លងចូលហ្គាហ្សា៕
ប្រែសម្រួល៖ Vann Vann
ប្រភព៖ BBC
ចុចអាន៖ អ៊ីស្រាអែល អះអាងថា សមាជិកក្រុមហាម៉ាសមួយចំនួនធំលើកទង់ ស សុំចុះចាញ់
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត